NIZAN HAKHA CDF LE RALHRANG I KAHNAK AHNU BIK THAWNG

CDF Hakha le Hramhram Uknak latu Ralkap kahdohnak Ahnu Bik Thawng. May 2 zan suimilam 6:40 pm tluk ah Hakha Cawbuk gate ah mipi ralkap (CDF) nih Ralkap an kah hna nak ah minung pali hi an thi i minung pathum hi fak ngai in hliam an tuar i pakhat hi a zam manh tiah, a hmun um mi pakhat nih CBN ah a chim.Cawbuk gate ah hin Ralkap hi minung pariat an um tiah a chim chap. Credit:CBN News

May be an illustration of text that says "HAKHA"

Thawngpang dang:Ralhrang kawlralkap thiltuah cu khuaruahhar asi ko cang. Kum 64 a si cangmi chungkhar nubik cu a fapa aiawh ah ralhrang kawlralkap hna nih an velh tiah theih a si. Yangon North Okala sang mino hruaitu pakhat a simi Tin Htun Paing Ko cu ralhrang kawlralkap hna nih april ni hnih ah khan tleih dingin an inn ah an kal hnawh hna. Asinain a rak um lo.

Tleih ding an kawlmi a um lo ruangah hringtu anu kum 64 a si cang mi cu kut an thlak hnu ah an kalpi tiah pawngkam a ummi hna nih thil sining cu an naunu sin ahcun an chimh. Inn chungah cun midang hohmanh an um lo i, an rak kal dih cang tiah achim. Ralhrang kawlralkap hna nih an inn chung cu an kawl dih tikah kum 64 asi cangmi nu pakhat cu kut an thlak i, an kalpi.

Pawngkam a ummi hna nih thilsining an theih hmuh tikah hmundang ah a ummi Tin Htun Paing Ko ( Ralkap nih tleih an timh mi) a farnu cu thawngthanhnak an tuah. Hi konghe pehtlaiin a farnu nih a chimmi cu zingka suimilam pariat hrawnghrang ah ralhrang kawlralkap le palek tampi hna cu inn an rak kal hna i, kanu cu bia an hal i, aphone zong an hal.

Asinain kanu nih phone ka ngei lo tiah a ti hna tikah ralhrang kawlralkap hna nih cun kut an thlak colh. Voikhat lawng i lungsi loin an duhtawk in kut cu an thlak chih. Afak tiah a au hnu lawngah kut an thlakmi an ngol. Lamzawhnak ah aherhmi thilri pawl an lak dih. Ka U hi kan chawnh khawh lonak thlahnih a si cang. Inn ah hin kanu le kapi lawng an um keicu hmundang ah ka um ko nain kanu he kan i chawn lengmang ko. Atubantuk in ralhrang hna nih kum upa a sicang micung ah kut an thlak in, an tleihmi hi cu minung covo an hrawhtuk mi asi tiah a chim.

Be the first to comment

Leave a Reply

Your email address will not be published.


*