NI SUI LIAN CAAH VOTE A KAWLMI MANG DUN CAAH TTIHNUNG SI CANG

Thantlang peng candidate tthenkhat cu ttihnung ngaingai an si cang. Pakhat le pakhat an i tthuatning alinsa ngaingai ko cang hih. Salai Lung Thli Tum hrimhrim a celh ti lo, ralrinnak alanghter cang. Salai Lung Thli Tum nih a chimning ahcun MP Ni Sui Lian caah mee akawltu nih ningcang loin ka konglam a chim tiah a phuan.

Hi konghe pehtlaiin amah Salai Lung Thli Tum nih a timi cu MP Ni Sui Lian caah mee akawltu puaisa Mang Dun kha a hmumi paoh nih rak ka chimh piak uh tiah bia a cah. Lih bia in keimah thangchiatnak kong a chim rih asi ahcun taza ka cuai lai tiah Salai Lung Thli Tum nih ralrinnak a pek cang. Tutan thil sining konghe pehtlaiin atanglei bantukin Salai Lung Thli Tum nih attial.

Tender ngah duh ah Mara ram chung MP Nisuilian caah mee a kawltu puaisa Mangdun kha a hmumi nih ka chimh piak te uh, lihbia in keimah aka thangchiat rih ahcun Thantlang ah taza ka cuai lai, thonginn ah ka khumh cang lai. Biadik tu rak aupi cang seh. Culo cun tender a bawh manh ti sual lai lo. Credit: Salai Lung Thli Tum.

Relchih:France Thil Cang Hi US Caah Thinphaang A Si Than. Joe Biden hi president a tling lai lo tiah ka zumh. Poll nih cun Trump naak in Biden hi a thawnter deuh lengmang. Zeibantuk sin in dah poll a rat i, ahodah poll tuahtu an si ti hi ruah peng a hau. Online poll hrawnghrang ah a active lo pawl nih Trump an tanh ning cu Vote in a lang te lai. Khuate in khuapi in Trump vote petu ding an tam tuk ngamsam.

American mipi nih Trump an tanh ning hi US presidential tuanbia ah a um rih lo. Meng 95 sau in Trump dirkamhtu nih an motor an tlaarmi hna kha cu a mak ko! A sau khawhning! TRUMP an tanhnak ruang tampi lakah pahnih in langhter ahcun: America ram le mipi himnak (security) le economy kong hna hi an si. A term khat chungah ramchung he ramleng he zeitlukin dah American mipi himnak, luatnak le thatnak a tuah timi fiang tuk in an hmuh.

Zeitluk thawng in dah economy a ser ti zong an hmuh. Virus ruangah an tlak thanmi cu hrial awk tha lomi thil a si. A santlaih lo si lo. Vanchiat thil si. Vanchiat cu aho poah nih ton a si. Hrial khawk a si lo. Cucaah President Trump cungah bochannak an ngeihmi a thawng tuk. US thihnunnak hi Trump ah aa hngat cang ti tluk in an hmuh. Joe Biden cu kum 47 hrawng ram caah rian a tuan cang i, amah le a chungkhar le ramdang tu an rum i, an thangcho chin lengmang.

A lih chim thawn le a biachim chiatkhat lawng si ko. Trump nih campaign a tuah lioah mipi mithmuh ah Joe Biden biachimnak pawl cu screen in a langhter. Keimah chim cu nan zum sual lai lo. Nanmah hrimhrim nih hmu ve u” a ti hna i an vun langhter. World Trade Organization ah Taluk a luh khawhnak hnga zeitluk in dah aa zuam, Taluk thawnter hi US caah zeitluk in dah a that tbk tampi a chim hna.

A fiangmi cu Joe Biden a tlin ahcunTaluk nih US hi a dolh lai. Paris Climate Accord a nunter than lai; Iran nuclear deal a nunter than lai; Trump chan ah aa thupmi kalsual tapung pawl an tho than lai, ramchung he ramleng kalsual tapung activities an linsa than lai i thah le nawnnak hmun kip ah a karh than lai. US cu a tla chin lengmang lai. Ramchung in radical left tanh pawl a por chin lengmang rih lai.

Tutan ah zeitluk fak in dah US an buai cang. An hrawhmi an tuak tikah $ 2 billion leng a si an ti. Insurance company pawl hrim cu tam tuk an sung. Cucaah American mipi an i fian tukmi cu America khamh thannak lam cu Trump lawnglawng a si cang tiah an ruah. Trump cu liberal media nih an huat caah Trump thatnak, thawnnak le mipi nih an tanhnak an langhter duh lo. Campagin lawng si loin a lam kip in Trump an rak tanhnak a turu kho tuk. An tanh ning hi khuaruahhar zong a si i thinphang lei tiang zong a si. A pipa tak tiang zong chuak seh ti an duh ahcun chuahter kho ding tiang in an tam, an thawng i an tlinh.

Cun tutan France ram ah a cangmi thil zong hi American mipi hnakhaw ah a vun phan thluahmah than. Kalsual tapung or phuntanh pawl nih France minung an thah than cang hna. Tuan deuh ah khan France i saya pakhat nih a class cu cartoon sermi Muhamad a hmuhsak hna ruangah kalsual minung pakhat nih a thah i a hngawng a tan. Nihnih hnu hrawng ah kalsuam thiamthiam nih biakinn chungah namte in minung pathum an thah than hna. Pakhat cu a hngawng aa tan deng i pakhat cu a hrom an ah, cun pakhat cu voitam ngai namte in an sawh i sizung ah a thi.

Ni kum kalsual nih Truck in a rak pah canh hna. Minung 80 leng an rak thi. Nizan ah khan biakinn tlangbawi pa zong biakinn a khar lioah meithal in voihnih an kah. A nun an zum lo. France cu kalsual pawl kongah an buai than lawng si loin ramchung zalonnak le Muslim zulhphung kongzong ah fak piin an buai cang. Hngawng tannak a chuah ah khan French president Emmanuel Macron nih “kan ram cu zalonnak ram, freedom of press le speech ram a si” tiah fak ngai in a chim.

Cartoon an ser i an printmi zong freedom of press le speech zalonnak an ngei. Kan zalonnak hi Islamist Separatist hna sinah kan pe naisai hna lai lo a ti. Asinain Muslim ram in fak piin dohnak le lehrulnak a chuak. Kum tin in refugee a thongthong in an lakmi cu an cei ngai cang. EUROPE ram dangdang pawl zong an cei cang hna. Trump nih cun aa fiang tuk i a ram kutkhar a khar thup cang. Muslim hna caah freedom of speech cu cohlan khawhmi a si lo. Caan zeimawzat cu an cohlan lai nain an biaknak he aa pehtlaihmi poah ahcun thah le thisen chuah nih a zulh peng lai.France thawngpang nih American mipi a thar in a vun cawnpiak than hna. President Trump nih Muslim ram le US he security pehtlaihnak tuah a duh lomi ram zeimawzat in refugee a khammi hna cu an vun thangthat thluamah.

Hi thawngpang nih hin November 3 thimnak ah Trump a bawmh than ngai lai tiah an zumh. Minung nih kan duhmi cu zalong tein biachim khawh, thancho, him hna hi an si. Atu tiang ah million 80 leng a tla cang. US tuanbia ah Inn Raang an i cuh a fah bik kum a si. US ah hi tiang buainak a phak hi Trump an huatnak in a chuakmi a si. Trump sualnak a um lo. President a tlin ruang ah an huat i an dohmi a si.Asinain rian a tuan kho tuk. Nizan tihni zong ah Nigeria ah tapung nih American minung pakhat an tlaih i, SEAl Team 6 nih an va khamh. A thimi an um lo. Tapung cu an thi len hna ti a si. “AMERICA first” a ti bantukin Trump chan ah American an him cem, an luat cem, an hlawhtling cem i vawlei zong a dai cem. Credit: Luther Tin Hre

Be the first to comment

Leave a Reply

Your email address will not be published.


*