NGEIHCHIATNAK THAWNG: MALAY AH LAIPA JOSEPH NIH MUAL AKAN LIAMTAK

Malaysia ah Joseph Thian Lian Thang nih hi vawlei nunnak in mual aa kan liamtak. Joseph Thian Lian Thang hi kum 23 te lawng asi rih. Apa min cun Pu Ronald Thang a si i, a nu min cu Khua Lian Nuam asi. Kawlram an umnak cu Kalaymyo ah a si. Joseph Thian Lian Thang cu aliamcia kum 2016, October thlachung ah khan Malaysia ah rianttuan ding le ralzam sinak sawk dingin a phan.

Cuticun ralzam sinak he Malaysia ah rian a ttuan i, kum li a um hnu ah tuchun ah ruah lopi in hi vawlei nunnak in mual aa kan liamtak hi a si. A thihnak aruang cu a liamcia april ni 14 ah khan inn leng in a tla sual i, sizung ah caan zeimawzat chung zohkhanh le thlop bul a si. Tuchun Malaysia caan in suimilam hleihnih le minute 29 ah Kuala Lumpur General Hospital ah a nunnak aliam hi a si.

Joseph Thian Lian Thang ruak cu sizung ah a herhmi le cozah ah aherh mi thil tuah dih asi ko nain kawlram ah maw aruak hi tlunpi a si lai? a si loah Malaysia ah maw vui asi lai timi a fiang rih lo. Atu hi an tawlrel cuahmah lio asi. Joseph Thian Lian Thang a unu hi Malaysia ah a ummi asi i, hringtu a nu le pa hi Kawlram kalaymyo ah an um. Tantak mi chungkhar Bawipa nih nan ngeihchiatnak in hnem ko hna seh. Credit:FT

May be a close-up of 1 person and indoor

Thawngpang dang:Pu Ngun San Aung Rian Khinhmi Pu Thla Bik nih Cohlang Lo.Chin ramkulh Administrative Council Chairman Pu Ngun San Aung nih Myanmar ralkap uknak tang ah rianttuan ve ding in Pu Thla Bik rian a khinhmi cu Pu Thla Bik nih a cohlang lo, tiah nihin ah kan theih.Pu Ngun San Aung nih rian a ka khinhmi hi ka thei bak lo. Ahlanken in theihternak zong zeihmanh a um lo.

Ka um lo kar ah ca an rak ka pek i zei hmanh ka thei lo, tiah Pu Thla Bik nih The Chin Journal ah a chim. Kan rammipi nih hi tluk hin an duh lo bu ah zeitindah ralkap kut tang ah cun rian kan ttuan hnga, tiah a chim chap.Mah an ka khinhmi rian hi ttuan ka tim lo. USDP chan zong ah khan mah rian hi an rak ka fial cang. Cun, NLD lio zong ah an ka fial bal cang.

Asinain, ka ra rak al hna. Mah lio hmanh ah ka ttuan khawh lomi cu zeitindah atu mah tluk in kan rammi nih an duh lomi ralkap kut tang ah cun rian cu ka ttuan hnga,” tiah a chim.Myanmar rampi uknak a ramh i, thla 2 fai chung ah rammi 700 leng ruru hranghrang in a thattu ralkap kut tang ah Hakha khua tthanchonak rian ttuan ding in Pu Ngun Sang Aung nih Hakha khua i bochanmi upa 6 cu committee chungtel ah rian a khinh hna nain ahohmanh nih cu rian cu an cohlang lo, tiah thawng kan theih. Credit:The Chin Journal

Be the first to comment

Leave a Reply

Your email address will not be published.


*