NGEIH CHIATNAK THAWNG. PU SUI CEU A NUNNAK LIAM

RIP. Pu Sui Ceu a nunnak aliam. Falam ah COVID-19 in Pu Sui Ceu mual a liam. Falam Peng Locom khuami, Cinmual sang um kum 67 a si mi Pu Sui Ceu cu COVID-19 in June 13, 3:00 pm hrawng ah mual a liam. Pu Sui Ceu cu Falam mino volunteers pawl nih thlaan ah a ruak an vuicolh. Falam khua ah hin June thla chung ah COVID-19 in a zaw mi 54 an um, tiah kan theih. Credit: Chinland Heralh.

May be an image of standing and outdoors

Thawngpang Dang:Apoiko Lairawn khualipi timi Kalaymyo ah tulio zawtnak ttihnung a simi Covid in minung 30 an nunnak a liam cang. Kalaymyo ah covid zawtnak hi nikhat hnu nikhat in a karh chin lengmang. A buaktlak in a tulio hi nikhat ah zawtnak a ngeimi hi minung pakul hrawnghrang an si tiah an langhter. Kalaymyo covid zawtnak konghe pehtlaiin thanhnak an tuahmi cu a tanglei bantuk in a si.

June ni 13 tuni ah covid zawtnak angei thar mi hi kalaymyo ah minung 23 an hmuh hna. Hi hna pawl hi lunghrinh in aa check mi hna an si. Tuni lawngah covid zawtnak in a nunnak aliammi hi Kalaymyo ah minung pali an si. Tuni he covid zawtnak in Kalaymyo ah a nunnak a liammi hi minung 30 an si cang tiah thanhnak an tuah.

Atulio ah hin Covid zawtnak angeimi hi Kalaymyo ah minung 220 hrawnghrang an si i, an thlop cuahmah lio hna asi. Kalaymyo ah zawtnak a ngeimi hna hi a cunglei langhter cang bantukin mah lungtho tein aa check mi pawl an si, Um khua nuam lo siikserh tibantuk in an um hna i, lunghrinh in aa check mi pawl an si. Check a duh ko nain checknak tangka angei lomi tampi an um tiah an chim.

Kalaymyo - Ngawn Social & Culture Association - Kalay | Facebook

Thawngpang Dang:June 12 zaan, Rihkhawdar ah SAC helicopter a tum i a kircolh. Falam Peng Rihkhawdar ah SAC helicopter pakhat cu June 12 zaan ah a tum i chikhatte ah a kircolh than, tiah kan theih. Atu bantuk in helicopter a tum hi zaanlai ah a si bantuk in zeidah a rak tuah ti kan hngal lo. Kanmah ruahnak ahcun Thantlang CDF pawl cawlcanghnak zohfel le biatak chuah in ralthawh ding an i timhtuah ca ah a si lai, tiah kan zumh.

Sau a rau lo, zaanlai ah a kircolh ko,” tiah min langhter lo mi khuami pakhat nih The Hakha Times ah a chim. Falam Peng Rihkhawdar hi Mizoram Zokhuathar he ramri ah a um mi a si. SAC ralkap nih an thazaang chap an timh ca ah a thli in helicoter a tum hi a si lai, tiah an zumh. Credit: The Hakha Times

Be the first to comment

Leave a Reply

Your email address will not be published.


*