NAN LUNG DONGH HLAH SEH, NEXT AH ZEIDAH ARA LAI? HNA NGAMTUK

Ka Hna A Ngam Kho Tuk. Ka hawi le dihlak , nan sin ah biatawite chim ka duh , USA thimnak cu a ropui taktak si kaw, a tu cu ai awtka te long a si rih. Media tampi le tuchun state College vote zong cu a tu bantuk an tuah lai ti cu theihcia a si ko.Chim ka duhmi cu Trump dirkamhtu le Trump thape tu dihlak, an lung a dong naisai lo ti chim ka duh.

Amah Trump hrimhrim nih a ngol lailonak le teinak a cohlan lonak vuitampi a chim cang. A tu cu a hram kan thawkka long a si rih a ti. Joe Biden teinak an pek ti zong cu khatlei kap ah cun anmah pekmi a si caah a dik ve ko.Nain zeidah next a ra lai tikha hngak ko rih usih. Trump hi midang bantuk president a si lo ti cu theihcia hngalh cia hmuh cia a si ko.

Ka tuah lai a timi a tlolhmi a um lo.Caan sinah kan kal caan nih teinak cu a vun ratpi lio, cucu kan hmuh caan a phan te lai. Nan lung dong hlahseh, nan tha chia hlahseh. Kan tei hrimhrim hna lai an ti ko cang. Kan tei hrimhrim hna lai. Kei cu ka thinlung tha a dam kho tuk. Kai nuam tuk a caan a phan rihlo caah ka ti ko hi. Ram kalnak kong hna thanuam taktak in ka ruat ko.Isaac nih ka pa raithawinak tuu kan keng tunglo e a ti. A pa Abraham nih ka fa Bawipa nih a khante ko lai a ti. Joseph Thawng Z Ting

Relchih:Joe Biden Cu Official In Election Teitu A Si Cang. Tu chun December 14. ah president thimtu palai(electoral collge) 538 nih a phung (Official) ning tein president thimnak an tuah i California palai 55 nih Biden an vun pek dih in cun 2020 USA president thimnak teitu cu Joe Biden le Kamala Harris an si tiah fehter a si cang. Trump nih ka sung lo a tinak (Swing States) ramṭhen hna;

Arizona, Georgia, Michigan, Nevada, Pennsylvania le Wisconsin nih an thlahmi president thimtu palai(electoral collge) tel in ramṭhen 50 nih president an thimmi hi Official a si. Hi Swing States paruk palai vialte nih Biden an pek dih.Nevada nih palai paruk a ngei i an zate in November 3. i thimfung tambik a hmumi Joe Biden le Kamala an pek. Cu bantuk cun Arizona 11, Georgia 16, le Pennsylvania 20 nih Joe Biden te an pek ve hna.

Cun Wisconsine 10, le Michigan 16 zong nih Biden le Kamala an pek ko. Tu hi ca kan ṭial tiang ah Joe Biden nih a herhmi 270 a ngeih cang caah Media pekmi teinak si lo in OFFICIAL in teinak a hmuh cang.An party cio an ṭhawn pengnak ramṭhen cu zoh an hau tuk lo, ai thleng tawnmi ramṭhen a bikin Trump nih ka sung lo a tinak pawl ah tazacuainak voi 60 hrawng a tuah (95% a sung) i a phichuak ai thleng sual hnga maw ti ngiat sawh khi a si.

USA tuanbia ah Election ni a phichuak ning leng in president thimtu palai nih a dangpi thimfung an pek hi a um lo tluk a rak si. A cung ramṭhen hna nih Joe Biden an pek caah 306 a hmuh lai tiah ruah a si. A taangmi rel rih lomi cu anmah party ṭhawn pengnak an si. 46.nak USA president ah thimmi a si ti khawh a si cang. January 6 ah vice president Mike Pence nih tuni thimfung hi a phung ning tein Congress hmuh hngan ah a rel lai i Joe Biden nih a tei tiah a fehter lai. President thimtu 538 an um le president tlinnak ding ah 270 hmuh a hau. Biden nih 306 a hmuhmi tuni ah an fehter lai. Swing States nih thimnak a phichuak ning tein Joe Biden an teiter ko caah chim khawh a si cang. Guardian/ Nrk/ USAtoday. Credit. Teirial Catialtu

Be the first to comment

Leave a Reply

Your email address will not be published.


*