MAH HI KONG HI RAK KAN FIANH KAN I ZUMH CHIN CHIN KO HNGA

To, Salai Lungthli Tum. Ramkhel na tuahnak ah Din felnak na ttanh,thildik na phuan tawnmi hmuh tik ah Uar loawk na tha hrimhrim lo. Nai Mara na tlawnnak kong ah an lamsul kong na chimmi kha a diktuk.cozah nih hnawnmi ko an lo hrimhrim.ka rak kalve cang. USDP chan ah Vuanci Van Thawng ka va zulhve i Fartlang le Lailen kar an lam chiatning zongkha ka va hmuh ve.

Kha kong ah Tender ngahtu C. Za Cung mawhlong si lo in Chin cozah lei in chambaunak zong a umve rua. Amah C.Za Cung nih a duhle fianternak tuah te ko sehlaw kei ka chim duhmi cu a dang a si lai. Abik in chimh kan duhmi cu Mara lam le sul a that lotuk caah thanchonak a donh ti in Pi Za Tlem MP a tuanlio ah a kan zuampiak i Ngaiphaite le Hnaring karlak lam cu cawhpiak kan rak si.

Kankaw in Hnaring-Ngaiphaite-Ngaiphai pi in Inndia Saiha tiang khi saduhthat a rak si. Tu cu Kankaw-Hnaring-Ngaiphaite in Ngaiphaipi tiang Lam a pem taktak cang. Na in Hnaring le Ngaiphaite(Innhmunpi) Karlak ah a ummi Thanghawr va hlei a um rih lo . Feb,17.2020 Ah kanpi cu Thantlang a rak phan i Mipi he bia ruahnak tuah a si.

No photo description available.

Mara upa pakhat nih Hlei donhding cu kanpi a hal i Pine Lamsul lei vuanci zong nih donhpiak cawlding in bia a van kamh ve. Ahmun le hma zohding in le tuahding ai tlak le tlaklo kong ah zung lutlai hna nih chekhlat nak an va tuah cawlh ve. Ai tlakko tiah Pine Cozah sin an va chim i fehternak zong an tuah cawlh tiah kan theih.A sinain Chin cozah nih fehter cangmi cu Pine hlutdaw nih pompiak lo in a hnawn ti in theih cu a si than hoi.

Hlutdaw nih hin cu phaisa cu zeizei ah hman a timh ti in bia vaivuan tampi theih a sitik ah Mara,Lautu miphun dihlak ngaihchia in kan um ko. Nang nih le Mara Lam le sul kong ah hitluk na ngaihchiat lio ah Napu Zo Bawi nih hin zeiruang ah dah kan cung ah dawtnak ngeilo in chutthan hi a kan timhhnga ti hi fianternak na rak kan tuah kho hnga maw? Midang fel lonak hmaizoh lo in na chim tawn bang in napu Zo Bawi kong hi rak kan fianhve law kan nin bochan chinchin lai. Bia vaivuan kan theihmi hna a si i kan palh sual le nan putu in rak kan ngaithiam hram uh tiah ka rak in nawlcia hna. Credit: Lai Lungrawn

Be the first to comment

Leave a Reply

Your email address will not be published.


*