NU PAWL HI BANTUK IN A UMMI NAN SI CUN NAN I TTHINH BAK AHAU

Alolak Taktak Mi Nupawl Tahfung, Mah bantuk nungak le nupi kan ngeih asi ahcun zeibantuk minung dah kan nupi le kan nungak pawl hi an si timi cu theih khawh asi. Tutan ah vun langhtermi nupi or nungak kan ngeih asi ahcun a chimh cawnpiak zia kan thiam hna ahau lai tinak khi asi. Nupi lolak or nungak lolak theih khawhnak cu atanglei bantuk in langhter asi.

Zingka a thawhtuanh ning in theih khawh asi. Zingka aa tthangh bak in tho loin aum. Fawizang tein sersiammi Meh hang nan ei ding peng asi ahcun, Ateima lotuk mi nu uknak tangah nan um tinak asi. Rawl einak kheng siseh lakphak dinnak hrai pawl ttawl colh loin a um tawnmi asi ahcun, arauh hlan ah va le or tlangval mualpho a fawite. Chuncaw caah mah tein inn ah tuah loin dawr ah a caw lengmang mi nu na ngeih asi ahcun thatein nai tuak ngaingai ahau.

Thil suk ahaumi suk colh loin caan saupi achiami le ihkhun buaicur in achiami nu pawl hna cu an sining theih khawh asi i, cu bantuk nupawl he nan um ahcun lungfim ahau tinak asi. Hi bantuk huam loin sinin rian alatu nu pawl hna nih cun phone an tongh hlan ah lennak ding khua an khan cang i, tangka kawlnak ahcun athathu ngaingaimi an si. Mah le fa cawncannak athei lomi Nu pawl hna nih cun,,

Tangka tampi hmu ko hna hmanhsehlaw zal atleek mi bantuk men khi an si. Harsat kongah maw pakhat khat laklawhnak hmangin va le sin ah sihnelhnak pakhat khat an tuah lengmang nu hna he nan um tti asi ahcun ralring tein um ahau dingmi asi. Nu pawl hi an sining theihthlu ahar taktak mi asi, tthenkhat nu cu nungak tlangval lio ah azia ttha ngai bantukin um in, ahnu ah azia achuakmi an um tawn ti asi. Nain acunglei langhtermi chungin nupi ttha maw ka si, nupi tha maw ka ngeih timi cu afianter ngai.

Thawngpang dang:Kawlram caah thawngpang ttha taktak a chuak, Asunglawi taktak khi asi, Kawlram mi vialte caah cun lawmh awk taktak mi asi. Sihmanhsehlaw Tlangcungmi tthenkhat caah cun ngeihchiatnak bantuk ah a cang kho men. Kawlram nih atuhi Russia Drone a cawk lai tiah thanhnak an tuah cang. Russia sin in Kawlram nih Air Defense System le Drone a cawk lai ti asi. Tutan ah Drone cawk dingmi amongtu a um lomi asi tiah an langhter chih. Hi raltuknak hriamnam Kawlram nih Russia sin in a cawk dingmi kongah Russia Foreign Minister Sergy Shoigu cu kawlram ah a rak tlawng ti asi.

Cu a rak tlawng chungah cun atutabantuk in rampi pahnih hna cu hnatlaknak an tuah cang. Tutan ah hnatlaknak an tuahning ahcun Russia sermi Pantsir-S1 air defense le Orlan 10E timi amongtu um lomi a cawk lai ti asi.Hi hriamnam cawk dingah hin a liamcia kum 2001 in khan Kawlram le Russia hna cu remdeih hnatlaknak an rak tuah cang. Kawlram le Russia hi aliamcia caan in khan hriamnam lei ah pakhat le pakhat tthanchonak dingmi kong rianttuan ttinak an rak ngei cang tiah Russia cozah thawngzamhnak asimi TASS nih alanghter. Hi konghe pehtlaiin Russia sin in kawlram nih acawk cangmi cu atanglei bangin langhter asi.

Russia sin in Kawlram nih a cawk cangmi pawl hi MiG raltuknak vanlong le Mi 24, Mi 35 Helicopter le radar culawng siloin Tank tibantuk zong accawk cang. Sukhoi-30SME vanlong cawk dingah min zong an thut cang i, tthenkhat zong kuat cang asi tiah TASS nih alanghter chih. Cupin ah Russia nih an chim rihmi cu Russia sin in Kawlram nih hin hriamnam dang hna zong cawk a timh cuahmah lio asi i, cawk dingin an duh ngai tiah an langhter chih tthan.

Biachap: Kawlram nih hriamttha angeih mi a um ahcun ahmannak dingmi hi mitthlam in cuanh khawh asi. Kawlram nih hriamttha angeihmi hi Tlangcung hriamtlai caah ahman lengmang timi cu theih khawh le ruah khawh asi. Zeicaah tiah Tlangcungmi tukdohnak ah hriamttha angeihmi hi a hman lomi a um ti rua lo/ Cucaah tutan ah thil an cawk mi zonghi Tlangcungmi caah an hman sual ahcun Tlangcungmi caah thawngpang chia ngaingai asi ko lai.

Be the first to comment

Leave a Reply

Your email address will not be published.


*