Myanmar Idol Winner Esther Dawt Chin Sung Nih Hakha Ah Bawmhnak Apek.

Myanmar le Chin Idol Winner Esther DawtChinSung nih harnak tongmi Hakha caah bawmhnak a pek ve. Hakha Food Bank sinah Esther DawtChinSung nih Sing 4 bawmhnak a pek hna i; a lungput zong a langhter. Tulio Myanmar dirhmun le Hakha kongah Esther nih a lungput a langhtermi cu“Hakha  Lung hi a fak tuk ee! Bawipa kan intuarnak kan philh piak hlah ” tiin a langhter. Esther DawtChinSung hi Yangon, Japan Embassy hmaiah duhlonak a rak langhter ve mi a si.

RELCHAP: South Korea nih Min Aung Hlaing cu dantatnak a pek ve cang: South Korea nih ralkap he hnatlaknak an rak ngeihmi hriamnam i zuarhnak vialte cu a hrawh dih cang. Kawl ralkap sin ah zei bantuk hriamnam hmanh kan zuar ti lai loh. Cun Sipuazi lei zong in Korea nih Myanmar cung ah kan khuakhanmi vialte kha a thar in kan ceih tthan lai tiah thawng an thanh. Cun Korea ram ah a ummi Myanmar pawl Visa a dihmi zong nan lungre thei hlah uh. Nan ram a deih hlan lo kan ram ah umnak nawl kan in pek hna lai. Khua kan khan cuahmah lio a si ko tiah thawng an thanh.

Khualrang tein Myanmar chuah tak dingin UK nih thawngthanhnak a tuah cang :Myanmar ah aum mi British pawl khualrang tein Myanmar hi chuak tak uh tiin tuni March 12 ah British Foreign Ministry nih thawngthanhnak a tuah. Ralkap nih May 31 tiang Airport a phih nain vanlawng a zuangmi a um tawn caah khualrang tein Myanmar hi chuah tak uh tiin Britist Foreign Ministry nih thawngthanhnak a tuah.

“Myanmar nan chuah tak khawh lo ahcun Innchung ah i erh uh; a herh lo ahcun leng chuak hlah uh” tiin
forhfialnak zong a langhter.Kawl ralkap nih meithal hmangin minung tampi a thah cang i; hmailei zong ah ttihnung ngai asi ti zong thawngthanhnak ah a langhter chap.

 

 

Be the first to comment

Leave a Reply

Your email address will not be published.


*