MUI DAWH SI, THILTUAH MI TTHAT SI, ZOHCHUNTLAK KAN LAI NU

Upat tlak taktak a si. Nungak muidawh Tin Te nih Laimi chungkhar harsa (45) caah eidin facang bawmhnak a pek hna tiah theih asi. Tulio pulrai zawtnak ruang ah rianttuan kho lo le leng chuak kho loin um cio a si. Cu caah Nungak Tin Te nih harsa deuh timi chungkhar (45) hna cu Facang le Chiti le khachuansen pawl bawmhnak a pek hna hi asi.

Mai Tin Te nih bawmhnak a pek mi hna cu Awnmawi Zuun Help Team nih tuanvo an lak piak i Letpanchaung le a pawngkam um mi hna, chungkhar (45) hna an thim hna hnu ah bawmhnak an pek hna hi asi. Hmailei a rianttuannak le a kawl hawlnak ah a nung kan Biak mi kan Pathian nih thluahchuah pe in cawisang chin hram seh.

Salai Bawi Lian Cabiad: Tu chun CHRO team le President Jimmy Carter Center ton biaruah nak kan nei I ka lawm ngaingai. Kan ram cu Rai le Ral nih a kan den tik ah kan van a sang, Pathian sin ah thla kan cam. Khuazei in dah himak lam kan hmuh khawh hnga timi kha mizeipoh nih kan si khawh tawk cio in ttan kan la.US cozah hi Burma ram democracy le nuhrin covo kong ah hmaisuang in a ttuan mi asi.

Cozah nih direct in a tuah mi pin ah International Republican Institute, National Democratic Institute ti bantuk le US President hlun pawl zongnih biatak te in Burma ram hi an sia a herh. Cu lak ah President Jimmy Carter Center hi vawlei pumpi huap in Rem nak le daihnak kong, vawlei mipi kan ngandam nak kong, le a rawk cangmi ram pawl nih ruahchan nak thar he rian an ttuan khawh tthan nak ding ah kumkhat ah US $ billion pakhat ($ million thongkhat) hrawng hmang in rian a tuan mi asi.

Tu chun ah Chin miphun hna le Burma ram ah zeitin dah kan luh khawh lai I rian kan ttuan khawh ning asi lai timi kong ruah tti ding in an ka sawm I biaruahnak can kan neih kho. Ramri in Salai Za Uk Ling le Salai Van Biak Thang nih a hmun I thil sining kong online in fiang ngai in an vun kan chimh khawh caah an mah President Carter Center zong an I lawm I keimah zong pumpak in ka lung a hmui.

Kan iceihkhan mi kha Pathian nih thluachuah hram she law theipar ttha tlai ter hram she. President Bush Center zong Burma ram kong ah mino hruaitu tampi training a pek ve hna. CHRO chung zong in minung 2 Bush Center I training a kai balmi an um. Tutan Ralhrang nih uknak hramhram I an lakh nu ah Burma ram hmunkip ah mino cawlcanghnak fak ngai in a chuak. Cu cawlcangh nak I hruaitu dam deuh hi President Bush Center I Young Leadership training a kai mi deuh an si hna. Credit:Salai Bawi Lian Mang

Be the first to comment

Leave a Reply

Your email address will not be published.


*