A POITUK. SALAI CEU BIK THAWNG NIH MP KAI CUH TTHAN LAI LO ATI CANG

Salai Ceu Bik Thawng nih hitihin attial.MP kai cuh than lailo ee..ramkhel dothlennak lamthluan caah a biapi in a har ngaingaimi biakhiahnak pakhat cu ka hun tuah than cang.Kan party hi Peng(Township) 24 ah kan dir i arauh hlan ah Peng 30 tiang dirh kan i tim. MP hi hmun 50 leng kan i cuh lai.Party GS lutlai pakhat ka si caah cuvialte huap in kan party nih teinak bual kan conak ding caah tuanvo ngeitu bik pakhat ka si bangin tutan thimnak zong ka luh lo a tha deuh ko rih tiin lungthlehnak ka tuahmi hi asi.

Keimah pumpak in MP cuh le Lairam cozah/parliament ah hruaitu pakhat si cu ka duh i ready zong ka si tiah kai ruat ve ko. Asinain kei cu ahramthawk in nihin tiang keimah pumpak duhnak kha number one ah ka chia bal lo.MP cuh a ka fialtu, a ka dirpitu, ruahnak a ka petu nan dihlak cungah kaa lawm.
Tuhi khuallam ka um lio le ka retheih ngai lio asi caah dawtu hna nih pumpak thawnghalnak messanger/viber pawl kan leh thlu khawh hna lomi a ruahzia nan ka thiam naklai zong kan nawl hna.Bawipa remruat si hram ko seh.

Relchih:CNLD in Pu Lian Nawn le Salai Ceu Bik Thawng uar an um tuknak. Pu Lian Nawn: Kei cu ka kum upa cang i 2020 Myanmar ram thimnak ah kaa cuh lai lo. Keimah nak in thil a ti khomi mino tampi an um. A herh ning in ka dirpi hna lai.Salai Ceu Bik Thawng: 2020 kum thimnak ah kaa cuh lai lo, kan party nih teinak kan hmuh khawh nakhnga tuanvo tampi ka ngei.

Upat lo awk hrim an si kho lo. An lungput a puitling hringhran dah ngai.An pahnih in thimnak ah aa cuh kho lo ding dirhmun an si lo. Aa cuh kho ding zong an si. Mizapi nih an duh mi zong an si fawn.Mah Cabia hi uar a um tuk caah ka vun thil chin or kan vun post chin mi asi i, Salai Tluangte nih cabia tawite a ttialmi asi.

Zeicaah tiah Salai Ceu Bik Thawng hi mino te a si nain thil a ruahmi ahcun kum upa nak in khuaruat kho asi. Alungput le a sining hi zoh lengmang tik ah uar lo awk thangthat or upat lo awk hrimhrim a ttha lo. Tutan a cabia ah hin thatein cuanh in zoh usihlaw ruah dingmi le i zohchun dingmi tampi kan ngei hna timi cu aho chim loin kan theih dih hna lai.Tukum thimnak ah Salai Ceu Bik Thawng ruahnak bantuk hi Chinmi or Laimi vialte a bik in MP aa cuh dingmi hna nih Salai Ceu Bik Thawng lungput bantuk hi ngei hna usih law, tutan thimnak ah hin a nuam bik mi thimnak asi ko hnga.

Hi konghe pehtlaiin ruah chih awk a um mi pakhat hrelh lo awk attha lomi cu tulio alinsa ngaimi kan MP pakhat hmurka kha a si.Ziknawh eihmuarnak ka tuah a si ahcun atu bak in thi ning, piakhat hmanh ziknawhnak ka eimi a um lo tiah kan MP pakhat nih a chim. Hi nak in zumh a tlakmi kan um ti hnga maw? Thatein ruat hmanh usih. Kan Chin MP vialte nih hi lungput hi an ngei dih an tuah taktak hnga maw?

Patling pakhat lawng siloin MP pakhat nih hi bia a chimmi hi uar a um tuk hringhran in upat tlak taktak asi tihi Chinmi nih kan fian ahau.Mizei hi dah pumpak in kan zoh lai i, mizei hi dah a Party hoih in kan zoh lai timi hi Chinmi hna nih i fiang cang hna usih. Bochanmi tampi kan ngei hna. Aliamcia an sining an nunzia zoh lengmang an hau ko lai. Pumpak in khua le ram miphun ka daw ti hna seh an tuahsernak zeidah asi? Chinmi caah an ttuan taktak maw timi cuanh buin tutan hi cu vote pe hna usih tihi ka ruahmi asi. Ruahnak aa dang lengluang ko lai. Aharh le ka peh tthan te lai. Saya Thang