MP AA CUH DINGMI VOTE DINGMI HI THIL ANGAMH PAOH AN SI LAI

Tutan ah Chin Cable Network Channel nih an rak langhtermi le timhtuahnak an ngeihmi thilttha taktak asi. Biahalnak an tuah bangin debate hmanh a ngamh lomi vote pektlak hrimhrim an si lo. Debate timhtuahnak konghe pehtlaiin a tanglei bantuk theihternak an tuahmi asi.

2020 Myanmar Election Debate Kong Mipi Sin Theihternak.Democracy ram tampi i thimnak ah a biapi ngai mi pakhat cu biaral dohnak ( Debate ) hi a si. Thimnak a cuhmi pawl zeitluk in dah timtlak an si ti kha mipi sinah an chimtik ah mipi caah thatnak tampi a chuahpi.

Thimnak a lutmi pawl zongnih mah debate cu caan tha lak nak ah an hman ve. Cu debate a um khawhnak ding le tlam atling khawh nak ding caah an party cio le thimnak a lutmi pawl nih phaisa le thazang tampi an chuah.2020 Myanmar Election ah Hakha- Thantlang in MP a cuh dingmi pawl caah CCN nih online debate tuah kan I timhpiak ve hna.

Sawmnak caa zong a tam deuh cu kan kuat dih cang hna. PM a cuh ding cheukhat bel pehtleih nak kan vawn I harh deuh hna caah kan kua ko rih hna lo. An dihlak in tel an duh lai tiah zumhnak zong ka ngei. Hi debate ah mipi nih duhmi poh biahal khawh an si lai.

No photo description available.

A hmaisabik ah Mee hmun a khatmi PYI-NE candidates a zuam dingmi pawl in thawk kan duh. Mah dih cun Mee hmun a khatmi PYI-THU HLUTTAW a cuh dingmi pawl kan I tim. A pathumnak ah AMYO-THA HLUTTAW hmun ah a cuh ding pawl tuah kan duh. Caan le kan thazang nih a kan zat ahcun Matupi le Falam candidates zong tuah kan duh hna.

Zeitin na ruah? 1. Nangmah na Mee hmun ah a zuam dingmi MP pawl I telve hna she ti na duh maw? 2. Debate hmat ah a tel ngam lo mi candidate cu nang vote na pe hnga maw? tiah an ttial. Lehnak keicu ka tuah colh lai. Debate angamh lomi candidate cu vote ka pe hrimhrim hna lai lo. By John Ceu

Be the first to comment

Leave a Reply

Your email address will not be published.


*