MOLLY ZATHANG: NLD KAN VOTE BAK DING MI AN SI, NLD MEE PEK DING

Molly Zaathang: NLD Mee Pek Ding. Kan Vawlei cungah miphun pakhat le pakhat an i thah leng mang mi hi za lonnak an duh ruang ah a si. Kawlram chungah a cozah an doh hi za lonnak duh ruang ah a si ti cu mi hrut lo nih cun nan hnalh dih. Kawl ralkap nih kum 60 chung Tlang cung mi a kan thah, an kan hram, nu an tlaih hrem mi hna hi pa san tlai lo ruang ah a si tiin ka hmuh.

Kawl ralkap a tanh tu mi hrokhrol kan tam tuk. 2008 kawl ram phung hram ah Federal democracy a um lo. Nai te ah Min Aung Hlaing nih voi 2 bia a chim mi ah Federal democracy ti mi cu hmun khat ah rian tuan ti a si a ti.Thlah a kan tim lo. Kawl ram chungah Suu Kyi ti lo cu bo chan tlak an um lo.Tlang cung mi titsa phoh cu um ti hlah uh.Na zer kha ma cang.

Kawl Pathian phungki hmanh nih an duh lo mi lai khal nih na tanh cu ning zak tuk nan si. 2008 phung hram a thleng kho tu ding cu NLD an si ko. Kan mi phun cu kan dawt cio. Sinain tu lio hi CNLD tiah au caan a si rih lo. I din ko rih uh!Kawl ram ah hin miphun 135 kan um. Mi dang mi phun cu va um rih ko hna seh. Chin lawng hmanh ah mi phun 53 kan um. Cu Chin 53 chungah CNLD a tanh tu cu 2 or 3 lawng kan si.

A dang chin vialte nih NLD lawng an tang pi. Cucaah cun CNLD cu dai tein um ko uh. Zei ti si hmanh ah teinak cu nan hmuh hlei lai lo. NLD tu hi tangpi uh law nan i chir lai lo. USDP nih teinak an hmuh than si cun chir man san tlai lai lo. Taktak tiah cun hi ti CNLD tiah na au khawh leng mang nak hi Suu Kyi ruang ah dawh si cuh. Suu Kyi nih thih ngamh in kan ram caah tang a la, za lonnak na hmuh bak in titsa phoh tak hlah.

Nan lung fim uh Chin mi zei kan ti hnga, ri bu in um ti hlah uh. CNLD zong a can a chuak te ko lai. Tu ah cun NLD hi lung rual tein mee pe hna uh sih! Mee pek aa tlak cem mi zong an si! Note. Aung San nih a rak chim mi bia; Pakhatnak. Aung San nih Pinglung Conference ah Chin ka si ve aa ti!Pahnihnak. President hi unau tingzo in kan i chawng hna lai a ti.

Pathumnak. Aung San nih kheng a lak i, Zohhmanh uh, kheng i a lai ah a kuatnak zawn a um i,a tlang zong a um. Cu bantuk in ram pakhat zongah kuar le tlang cu a um phung a si ko. Thleidannak a um awk a si lo, tiah a dirpi.Aung San hi tlangcungmi nih cun philh khawh ding a si lo. Aung San hi atu tiang nung sehlaw kan ram a dam ko hnga.Tlangcungmi nih cun Aung San Fanu Suu Kyi kan tanh awk a si. Aung San le a fanu Suu Kyi hi zaangfak tuk an si!Na Dawtnak cu na vote ah lang seh! Vote For NLD. Molly Zathang

Be the first to comment

Leave a Reply

Your email address will not be published.


*