MIPI ZAWN AA KAN RUAH CAAH A SI KHO FAWN: ANNA SUI HLEI SUNG

Anna Sui Hlei Sung Zaathang: Ral nih luh hnawh: Ral nih chungmuru purhdah a duh I ,a chung muru tiang thianh/thaih le purhdah tikah ,duh lo ahcun doh a si I, ngamh lo ahcun dai tein um a si, ttih ahcun zaamtak an si. Ngamh bak ve ahcun doh ve a si ko, cucu Mawhchiatnak a um lo, mah le derthawmnak le caknak/thawnnak le khuaruatnak/khuakhannak cungah aa hngatmi a si.

Ral nih doh an duh ahcun na thatnak/chiatnak le duh le duhlo ruangah a si lo, doh an duh ahcun chiat/that si lo caah mah nih doh ve a hau, Asinain ttih ahcun zaamtak le dai tein um a herh. Zaamtak/daih tein um khawh ding a si lo ahcun doh ve hrimhrim a herh. Victoria camp ah ralkap an luh tikah dai tein an ummi cu Mipi caah Buainak le hnahnawh nak a tam Chinchin lai tinak a si kho men,

An ttih Hna ruangah a si kho men, an derthawmnak ruangah a si kho men, a si loah daihnak lam an kawl caah a si kho men, a caan a za rih lo an ti caah a si kho men, an I ready lo caah a si kho fawn. Cucaah chihkhat caah a tuanmi si loin khuaruahnak sau deuh ruang tu ah a si kho timi kha I fian a herh. Mipi zawn a kan ruah caah a si kho fawn. Credit: Anna Sui Hlei Sung

May be an image of one or more people, people standing and outdoors

Thawngpang Dang:Mizoram Champhai ah azammi Kawlram palek bawi pakhat cu azamnak konghe pehtlaiin thilsining vialte media sin ah a chim. A chimmi cu ka zam lo asi ahcun nawlpek mi el asi ruangah ka nunnak caah ttihnung asi i, cucaah ka him lo tiah a chim. Champhai ah a zammi palek bawi nih a chim tthan mi cu February ni 28 ah ralkap uknak lakmi a duhlomi mipi hna cu lamzawhnak an tuah.

Cucu hriamnam he hmangin kan tthawldawi hna. Mipi nih an duh lo i, lamzawhnak pehchih an timh asi ahcun nan kah hna lai tiah nawl aa kan pek. Cubantuk in mipi kah dingin nawl aa kan pek ruangah ka kap kho hna lo ka ti i ka rak zamnak hi asi tiah a chim. Tutan ah palek bawi Laipa hi march nikhat ah kawlram chuahtak in mizoram ah a zammi a si.

Ralkap nawlpeknak a si ko nain mipi kah ding cu phunghe aa kalmi a si ruangah ka ramnak zong hi asi tiah apeh chih. Cun keimah he hin azam mi hna hi minung paruk an sinak kong zong a langhter. Chungkhar hna zong kan rak zamtak hna tiah a chim. Tutan ah thilsining alanghtertu Chinpa hi Senthum a simi asi tiah VOA nih alanghter. Note: Amin le an chungkhar umnak pawl kan langhter lo.

Be the first to comment

Leave a Reply

Your email address will not be published.


*