MIPHUN PARTY NIH ZEIDAH AN TUAH KHAWH ATIMI PAWL RAK ZOH CANG UH

Miphun Party nih zeidah an tuah khawh tiah a chim lengmang mi pawl cu kan lung a fim ngaingai cang ko lai hih. Lai Party nih zeidah an tuah khawh timi biafang konghe thil pakhat biahalnak ahungchuak mi chungah fiang ngaiin bochanmi kanpa nih a vun langhter. Hihi amah lungtho tein a ttialmi siloin comment in biahalnak an tuahmi cungah lehnak atuahmi asi.

Mandalay LBC Church Rev Simon Thawng Hmung nih U Mawng aw Halkha vulei cim he lam vial te arawk dih caah atu hi Halkha khuathar Camp i a um mi vial te azei tin hmanh in facang cawk piak ding aum ti lo caah rawl lo in um asi cang ee cu caah nangmah tal nih Hellicopter hi ei chung awk facang ngalh piak ding in na kan hlan piak kho hnga maw atu hi bomh ding phaisa ting 100 leng ka hmu cang tiah Phone aka chonh.

A ttha tuk Saya Thawng kei zong zeital ka bomh kho hna hnga maw Ka ti lio te ah tiah’ Mandalay Taing hmu sin ah phone ka chonh cawlh.Mandalay Taing Hmu zong nih fawi te in Hellicpoter pa hnih cu akan hlan colh.Kalay myo in thial leng ding kha asi i mah hnu cun Rev Thawng Hmung le G.1(စစ်ဆင်​ရေးပဠမတန်း)ဗိုလ်မုူးကြိး he an tawl rel i Halkha lei ah fa cang ankuat khawh nak cu asi.

Vei khat phorh Helli pakhat nih အိတ် ၆၀ 80 ati maw’ fiang in ka thei ti lo.Zei khom asi ah ပြတ်​လေးပြတ် lio pi ei chung awk le mi hnem tu ah akan bomh tu hna Mandalay စစ်တိုင်းမှူး cung ah Lunglomh nak tampi ka ngei ee. Hi hi mi har bomh hi porhlawt zong ah nankan ruah sual lai. Lai party nih zei dah nan tuah khawh ti mi chung in bia arak lang tthan mi asi ee tiah zangfah kan nawl hna. kaa lom tuk tiah Pu Ngun Maung nih lehnak atuah.

Pu Ngun Maung hi 2010 thimnak ah Chin party ticket MP a rak ttuan lioah kan miphun le mipi caah arak ttuanchuahmi atawinak in ka hun langhter.Tukum ah Pyituh hlutaw in CNLD ticket in aa cuh tthan dingmi asi. Pakhatnak.Halkha khualipi nih 24hrs mei ahmuhnak ding (mahadat aline) cu,Vuanci U Khin Maung Soe sinah arak haltu asi. Pahnihnak. Kum 60 chung rak tuah lo mi Halkha Matupi kar motor lam cu fur tthal kal khawh dingin akauh chap ter.

Pathumnak.Matupi le Paletwah kar motor lamthar chunhternak. Palinak.Ramlengum kan fanau hna nih ramdang an hawile he an rak tlun tikah Laitlang lei kaiter an sianh hna lo,Kalaymyo tiang lawng cozah nih a sianh hnami cu, Halkha tiang zalong tein an tlun khawhnak ding lam hungtu asi.Panganak.Chin National Day Cozah nih a rak khammi le zungkhaar dingah fakpi in hlutaw ah arak aupi tu asi. CND kongah CNF he tiah Cozah arak nawrtu ah aa tel ve mi asi. 2013 in CND cu tuahnak nawl pek a rak si.

Paruknak.Pyidaungsuh level ah rian alawngmi ah tlangcungmi hi rian kan pe ve uh tiah fakpi in a rak aupi. Pasarihnak.Ralkap le Palik rianttuan tu riansang kaiter duh lo tlangcungmi cu, kawl mi he aa ruangte in kaiter hna uh tiah a aupi ngamtu si,. Pariatnak.Monywa le Gangaw karlak (pung taung pung nya) lam chukcho kha fur tthal fawite in motor akal pengnak dingah kan ser piak uh. 2013 in 2015 kum tiang Union Civil Service Board ah member (deputy Minister) aa tthial hnuah Chinmi lawngte minung 50 vuakthok reng in rian apek hna.

Pakuanak. Acozah rianttuanmi hna vuanthok reng kai khawhnak dingah (zung-uk-usihmu) Service kum 7 a ngeih hau timi kha Service kum 3 dingah aremhter khawh. Pahranak. Acozah riansawk tikah kum 25 cung akai lai lo timi cu kum 30 si ding ah a remhter khawh.Hleikhatnak.Halkha mincimh lio ah chuanawk nei lo caah facang cu helicopter a hlan i Halkha ah a rak ngalh ter hna. Mah pinah Laimi caah a tuahttuan mi an um len nain mahvial hi kan vun langhter. Credit: William Hrangsai

Be the first to comment

Leave a Reply

Your email address will not be published.


*