MIPHUN PARTY NAN TI AHCUN HAKHA AH ZUNG NAN CHIAH DING ASI

2015 i thimnak lio ah khan cun kawlram pumpi a tleng lai ti ruahchan nak he NLD cu tha pek cio dih a si ho poah nih tha kan pek hna ban tuk in teinak cu nan hmuh taktak ve . 2008 phunghram pi cu remh cu an timh ve len ko nain remh khawh silo ti cu a fiang cang ko. 2015 thimnak lio ah facebook in mah le party pawl cu tanh cio dih cu si i cu lio i Chin party hi phunthum in nan rak dir.

Mah le nan party teinak hmuh ding ah mah le party cu tanh in post cio dih cu a rak si kei zong nih NLD hi he tiah ka rak post ve ko. Nanmah zong nih nan mah party cu na rak post len ve ko hna kan zoh hna ah ka lungthli in kan mah Chin mi party an si ko tiin soinak le nihsawh nak kan ngeih hna lo. Ka lungthli in kan Chin party an tanh ve mi cu ka ti i ka lawm ngai tutan 2020 thimnak cu a nai chin ve lenmang bang tuk in mah le party uar mi cio cu post cio si ko.

A cheu kan u nau cu NLD party nan tanh i Chin party nan sawimi hi kan hmuh hna ah ka kuaruah har ngai hi pa hi Chin mi tal si nga maw timi hi ruah ngai in na um cang . Na miphun party cu na duh lo hmanh ah na soi ding cu a si lo na soi duh hmanh na lungtli ah i chia ko . Na duh lo nak le na uar lonak umcun chim ko hna khakha kei cu ka timh mi cu a si.

Cu ve bang in Chin party nan ti ahcun nan party bahu hi kawi ka a um ka thei lo . Chin party nan ti a si ahcun Chin party bahu cu Chin State Capital a si mi Hakha ah zung cu nan chiah i nan thut um ding a si ka ti . A tu ka theihnak ahcun Yangon a um rua ka ti. Mah vial si rih seh. Cattialtu Thawng Thawng