Miphun Party CNLD Hna le A Hlei In Mino Hna Sin Biacah

”Miphun Party, CNLD Mino Dihlak Sinah PPP Biacah”Sungh ah i ruat hlah u,Tei caan acuut lo hi a um tawn.Atu i kum 30 kuakap a simi cu 2025 ah Miphun party candidate ṭhaṭha kan in ngeihmi nan si te kho.Tutan 2020 nan hmuhtonmi vialte hi phaisa nih a cawk khawh lomi experiences an si. Tutan i kum 20 hrawng a simi hi 2025 ah kum 25 hrawng nan si te lai.

Hi kum 5 chungte ahhin a herh te lai dingmi Fimthiamnak i chap caan le i zalh caan ah rak hmang cio u.Ca tampi in rak rel chap u, Degree a phunphun laak khawh rak i zuam u..Nan ngandamnak ca zongah rak daithlaang hlah u.A zeilei kap paoh in tei rak rial u.Ṭhancho chinchin rak i zuam u.

Kum 5 timi caan hi a zawmi le a dam lomi ca lawngah a raumi a lo.A ngan a dammi caah cun a tlin manh hmanh nan hngal manh te lai lo.Cucaah cun atu te khan kum 5 chung ca planning nan diary ah rak i ṭial cia cio u.NOTE: Khoika khua paoh tutan CNLD kan MINO hna nan cawlcangh ning kan in zohthla tuk hna.Kan lung a rak hmui tuk cio hna.

Nan lungthin ah Nationalism timi Mah Miphun zahpi lonak, Mah Miphun zawnruahnak, Mah Miphun uarnak le Mah Miphun dirkamh nak, Midang Miphun hnaar in thawdawp le thawchuah duh lonak vialte nan ngeih cangmi hmanh hi zei hmanh nih a cawk khawh lomi a si. Nihin MINO..Thaizing HRUAITU timi mifim bia a um.Thing keuh phun, khua chung thianh zong kha,,kum 5 chung a pehpeh in tuah zong kha rak daithlang hlah u mu. PPP. CANADA. Crd: Tawk Cung

Be the first to comment

Leave a Reply

Your email address will not be published.


*