MIPHUN PARTY A TTHAWN AHARHNAK CU HLUTTAW AH HIN A SI

Mah Thazaang Thawnter Loin Midang Na Tthawnter Ahcun. USDP tei khi key issue asi ahcun NLD a kai vialin a za hnga. NLD a kai vial in Kawlrampi aa thlen ahcun hriam chiah in NLD ah luh viar ding asi hnga. Kawlram buainak hrampi hi Democracy vs Military asi ahcun Tlangmi cu Democracy vial in kan izat cang ding asi hnga.

Chin ramkulh MP 21 nih NLD Acozah a kai le kai lo biachat sehlaw NLD vote viar uh kan iti men hnga. Nain, asi naisai hoi lo. NLD a kai zong USDP a kai zongah cabuai cungah ral ai tu colh ding kan si. Cu raldohnak ah dir dingin tanbo pahnih kan herh: hriam tanbo le politics thazaang. CNF/CNA an ṭhawn a herh, cu lawngah kan nam khawh hna lai.

Miphun Party an ṭhawn a herh, cu lawngah Hluttaw le ramkhel biaruahnak ah kan bia hmual a ngei lai. Nangmah thazaang ṭhawnter loin an mah lila na ṭhawnter hna ahcun an in nek lawng asi lai lo, na duhmi zeitikhmanh ah na hmu lai lo. Kan thazaang ṭhawnter hi a pakhatnak ah chia hmasa usih.Credit: Salai Van Lian Thang

Biachap: Mah miphun (CNLD) party tthawnter loin miphun dang party a simi NLD le USDP na tthawnter ahcun nekmi miphun kan si pin ah Chinmi nih kan sungh ciami covo vialte kan laak khawh lo leng ah zeitikhmanh ah kan duhmi kan hmu kho lai lo. Atu hmanh ah Kawl nih Chin miphun an kan nek tuk cang. NLD lutlai U Win Htein nih Rakhine le Shan cu miphun dawtnak hram thukpi an thlak cang caah NLD nih kan tei hna lai lo.

Asinain, Chin cu NLD nih kan tei rih ko hna lai tiah a chim. Hihi i fahsak awktlak taktak khi a si. Cucaah, mah innchungkhar ser tak hmasa loin kan innpa cu va ser le tthawnter hmasa i tim ti hna hlah usih. Pu Van Chan Ceu. State Hluttaw No.1, CNLD Party. Hakha Township (Media Team). Credit: Van Chan Ceu

Be the first to comment

Leave a Reply

Your email address will not be published.


*