MIPHUN KAN SINING AH HIN KAN I FIANG TAKTAK MAW

Kan Miphun Hi Kan Ram Le Miphun Sining Ah Hin Kan I Fiang Taktak Maw? A tu ah hin CNLD nih hin STATE NATIONALISM le Social Reform in hram a kan domhpi a si cem ko. State timi sullam hi ‘Power’ tinak a si i, mahcu ‘power’ kan ngeih cu a biapi bikmi a si.Zohchunh awk pakhat in history/tuanbiazoh ta hman hna u sih.

Miphun fim le ramfiim a si mi Greek miphun kha Rom kut tangah an rak um ko nain, Greek miphun nih khan an philosophy, an catial mi a phunphun in, ukmi nih,uktu Rom cozahpi hmanh kha Assimilation an rak tei lehlam hna kha nan theih cio lai.Chin party CNLD nih hin State Natiionalism in hram a kan domhpining hi kan theithiam awk ah a biapi taktakmi a si.

Chin mi nih kan ngeih ve mi kan ram chung le mipi aiawh in kan ram le miphun min in cozahnak kan hmun le hma ah kan ngeih hi a herh bak ti fian a tha,Jesuh zultu zong nih mah le miphun a tanhtuk ruangah dahkaw,Phunttanh tiah a min an ti phah khah.Kan Bible zong nih phun ttanh hi a duh mi a si.

A tu i kan ruahnak le hmuhning ah NLD a tthawng timi hi kan theihthiam lo caah a si, a der tuk caah Kawl ralkap hnu zulh in a kal ko cang hi mah hi kan theihthiam ngai a herh mia si. Mahlawng hlah NLD nih kalnak lam a hngalh ti lo caah TALUK/CHINA Chawleh Chawrawlnak/ ECONOMIC ASSIMILATION ah a rampi a zuarh/a lohpi cuahmah cang khih mah ko khi ttih a nung taktak mia si.

Cun, Pakistan ram, Srilanka ram , Palestinian ram hna le Africa ram a cheukhat hna zong China/Taluk ECONOMIC ASSIMILATION SAL CHUNGAH an lut cang hna,mah vialte khi van ruat setmat ulaw,VND pawl nih kalnak lam thatthi an ngeih lo caah a si ti kan ifian a herh mi a si.Adongnak i ka van langhter chih duh mi cu,Kawlrampi huap belte ahcun a tu a ra lai mi thimnak ahcun cozahnak cu an tlaihrih khawh men i,

Sihmanhselaw tlangcung mi nih cun kan mah miphun sining te kha raltha tein kan dirpi ngam ve kha kan rian a si.Pathian nih a rem a ti ahcun,Cozahnak serpitu zongah tsawm khawh le telh khawh kan si lailo ti chim awk a tha lo,mah tikah kan duhin cawlnak caan zeimawzat ngeih te khawh a si.Cucaah fiim ngai le thiam ngai in dir i zuam hna kan hau ko han hih. By Tin Duh Thang