MINDAT UNAU MINUNG 20 RALHRANG NIH RAWL LOIN AN CHIAH HNA

Ralhrang pawl nih Mindat ah an tlaihmi hna minung 20 rawl loin an chiah hna. Mindat ah ralhrang kawlralkap ruangah a zaam mi hi minung thonghra renglo an si cang. Ei le din kongah lungrethei ngaiin an um tiah theih asi. Cu lawng siloin ralhrang nih an tlaihmi hna khuami minung pahra hna cu rawl zong an pe hna lo tiah theih a si.

Ralhrang kawlralkap le Mindat CDF an i kah lengmang caah khuami minung tampi hna cu hmunhim ah an zaam hna. Azaam mi hi minung thonghran renglo an tling cang. Cun khuami an tlaihmi 20 hna cu rawl loin an chiah hna pin ah an tuk an velh hna tiah an chim. Mindat ralzaam hna cu hmun 18 ah an um hna, Bawmhchanhnak lampi ah ralhrang pawl nih an kham ruangah harsatnak an tong tiah nawlngeitu pakhat nih a chim.

Ruah a sur pah lengmang caah buuk siseh, ngandamnak lei ah siseh aharhmi tampi a um i, an harsatnak zong a zual ngaingai ko tiah a chim. Mindat ah ralhrang kawlralkap le MINDAT CDF i kahnak hi aliamcia April 24 in a rak i thok. Cun May ni 13 hnu in tuni tiang i kahnak pehzulh peng asi. Ralhrang hna nih hriamnam nganngan an hman ruangah mipi an i dornak zong a hrawhmi an um len ti asi.

Culawng siloin ralhrang kawlralkap hna nih tlaih dingin minung an kawl lengmang hna caah khuami hna cu hngakchia in upa tar tiang an zaam hna. Hi konghe pehtlaiin palek sakhan ah an chiahmi khuami hi minung 20 renglo an si rih, Rawl zong an pee hna lo, Nikhat ah cencerh voikhat te lawng an pek hna. Cu zong cu an ei lonak hi nihnih renglo asi cang i, ti lawng an ding tiah minung pakhat nih a chim.

Ralhrang kawlralkap le CDF i kahdohnak Mindat peng, Shwe Aung Tha (ရွှေအောင်သ), Mae Le Kone (မယ်လယ်ကုန်း), Yhaat (ယှက်), Chaungzon (ချောင်းဆုံ) le Pagoda camp (ဘုရားစခန်း) ah hin CDF lei in minung 22 an nunnak aliam cang. CDF nih ralhrang kawlralkap lei an kahthah mi hna hi a tlawmbik minung 200 cu an si cang lai tiah tthenkhat an nih chim ve.

May be an image of one or more people, people standing, outdoors and tree

Relchih:Kan Ralkap CNF Pawl Nan Dihlak Bawipa Nih Himdam Tein In Kilveng Ko Hnase! Kan theih dih cio cang bantuk in ralhrang phu, rallokap kan ti cang mi hna nih hnuamsam te in kan ralkap cu an veh ciahmah cang hna ti hi a fiang bak mi a si.A tu ah hin ,Falam peng,Hnahthial khua pawngte ah hin rallokap pawl hi an um cang ti a si i,cuka cun kan ralkap pawl an camp cu tikawr hmuam dai kal ceo khi a si.

Zahan ah khan le kan ralkap pawl an lampi a si mi,Sopum khua ah ralhrang 100 tluk thazaang an kal i motor nganpi khat in an thilri a phurh ti a sifawn.A pin deuh Lungler khua ah le ralhrang pawl nih sakhan an ngei i zeimawzat an um cia cang fawn tikah kan ralkap pawl kan ram chung i an chuah vahnak lam vialte cu an kham kanh dih cang hna tikhawh a si cang.

Cucaah,kan ralkap pawl hna,rul bang in zer ulaw hi khawchia ralkap pawl hi kan biak mi,Jehovah bawmhnak thawngin kan ram chung hin dawi dih dingin nan miphun nih kan biakmi,Jehovah Pathian sinah thlacamnak kan in ngeihpiak peng hna hih.Meithal puah kan duh aipet tiin maw buabalo hna khan meithal kha hmet men lai ucih.

Nan miphun aiawh in kan ralkap nan si bantuk in nanmah rawhnak le lohnak ding a si belte tu ahcun lungfiim te in nan cawlcangh cu a herh ko lai teh aw! Phaang hrimhrim hlah uh, nan sinah candongh tiang kan umpi hna lai a kan ti tu,Jesuh khrih Thlarau nih an umpi ko hna caah,Israel ram a pawngkam ram 7 nih an rak bawmh i an rak tei khawhlo kha philh hlah uh, an biakmi, Jehovah Pathian sinah thlacamnak he an ral cu an doh caah, Bawipa nih an ral cu a tei piak hna.

Cubantuk in hi zumlo tu pawl hi,Philitin mi pa Golotha ,Jehovah a serhsattu kha,Jehovah zumhnak ai bochan mi,Tukhal David nih a lungherh te in bawkthlup a cheih hnu ah a mah,Goliatha nam lila in a hngawng a tanter kho tu kha pei kan ngeih cu… Gidion le a ralkap minung 300 nih pei, Jehovah Pathian bawmhnak in an ral nganpi an tei ko khaa.”Bawipa kan lei a ttan ahcun a ho nihdah a kan doh khawh lai.!Teinak cu,Bawipa ta a si bantuk in, Bawipa bochan bu in nan ralttha ko selaw, teinak hmu ko uh.Amen! Credit: Tin Duh Thang

Be the first to comment

Leave a Reply

Your email address will not be published.


*