MIN AUNG HLAING NAU LE DR. LIAN HMUNG SAKHONG NIH A SAWM CANG HNA

Dr. Lian Hmung Sakhong nih kawlralkap bawi pawl sawmnak a tuah cang hna. Dr. Lian Hmung Sakhong nih a timi hna cu hruaitu lutlai ralbawi hna mipi lei ah dir ulaw CDM tuah ve uh. Ralhrang kawlralkap bawizik Min Aung Hlaing hnuzultu si hlah uh. A dik hmanmi tu zul ulaw, dinnak tu kha zul deuh uh tiah a chim. Apeh rih mi cu ralbawi hna pakhat le pakhat i pehtlaih khawhnak, mi buu sernak ah i tel cio uh tiah a chim rih.

Dr. Lian Hmung Sakhong nih sawmnak atuah mi ralbawi pawl hna hi a theih hngalhmi hna sin ah sawmnak atuah hi asi. Keimah he aa neihniam deuh mi hawikom hna sin in bia ka theih mi cu Min Aung Hlaing tuahsernak cungah ralkap bawi dang tthen khat hna cu an lungtling lo tiah Federal Union Affairs vuanci riankhinh asi mi Dr Lian Hmung Sakhong nih a chim chih.

Theihcio bangin CRPH khuakhan lairelnak thawngin nizan tihni ah National Unity Government dirh asi i, hruaitu lutlai tthenkhat hna cu thanhnak an tuah chih. National Unity Government ah Dr, Lian Hmung Sakhong cu Federal Union Affairs vuanci rian an khinh. Amah lawng siloin kanmah Chinmi chungin riansang an khinh vemi cu Dr. Sasa a si. Tutiang ah an mah pahnih lawng Chinmi chungin an i tel rih.

Chin World Media on Twitter: "A prominent Chin politician Dr. Salai Lian  Hmung Sakhong will serve as a minster of the Ministry of Federal Union  Affairs under the newly formed National Unity

Relchih: Uar Aumtuk. Dr. Sasa nih National Unity Government (NUG) dirh a sinak kong fiang tein a chim. Atimi cu National Unity Government hi mipi nih dirhmi le mipi caah dirhmi a si i, ramchung tlangcung hriamtlai hna siseh, Political pary si hna seh, thimtlin mi parliament member hna le civil society bu vialte hna huap in ram mipi hna nunnak caah dirh mi a si tiah a pakhatnak ah a chim.

Ttuantinnak, a fekmi pehtlaihnak le pum khat sinak he thatein dirhmi National Unity Government of Myanmar asi. Kan president cu Kachin hruaitu ttha a si i, kan prime minister cu Karen State in a si. National Unity cozah ah minung 60% hna hi tlangcung hruaitu bochanmi lawngte an si hna i, hi nih hin kan hmailei lam aa kan sialpiak khawh tiah a chim rih.

Kan hmailei caan hi ralkap nawl lawngin khuakhan lairelnak tel loin hman kan duh. Kan hmailei caan cu Federal Democratic Union a si i, ttuanttinak lawngin mah Federal Democratic Union of Myanmar cu kan phan kho lai. Cu ruangah tuchun ah hin mipi hna nih an duh ning le mipi hna nih an ca hrang le ram caah rianttuan dingin vote an thlak mi 2020 thimtlinmi bangin a tthawngmi cozah kan dirh tiah a chim chih.

Rianttuan ning cang zong thatein kan ngei dih cang. Pakhatnak cu a lamkip in ralkap bia lawngin khuakhan lairelnak vialte hi hloh dih asi. Pahnihnak cu ralkap lutlai hna nih an tuahmi 2008 phunghrampi hrawh or let a si. Pathumnak cu Federal Democratic Union of Myanmar dirh a si. Palinak cu mipi cozah dirh asi. Cubantuk cun Kawlram zalonnak le Democratic Union of Myanmar caah road map fiang tein kan tuah cang.

Ram zalonnak le Democracy ram vialte hna nih mah National Unity Government of Myanmar hi an cohlan a hau. Lam damdang a um lo. Mah National Unity Government lawng hi Myanmar ramchung ah diknak le zalonnak a chuahter tu dingah lam a um chun mi a si. Atu ah hin ralkap hruaitu hna cu ralhrang an si cang hna i, minung 740 renglo an nunnak an lak cang hna.

Democracy le zalonnak thimnak result an thuhnawh sawhmawh mi asi lo i, Kawlram mipi hna an nawn cuahmah hna. Nifatin ram mipi 54 million hna cu thinphang in an tuah cuahmah hna. Khuapi siseh khuate ah siseh an lut an chuak i, minung an thah hna. Ramkip community hna nih cozah thar hi aa kan cohlan lo in aa kan zohsawh sawh peng ko rih a si ahcun hrial khawh lomi tukdohnak a chuak lai i, minung cihmihnak in a dih lai.

Amah konghe pehtlaiin a chim tthan rih mi cu Hi thil hi kan ram mipi caah nunthap in kan tuah mi asi. Mi leirawitu thi dingah dantatnak pek ka si i, tleih ka si ahcun thah ka si ko lai. Zeipaoh siseh law kan mipi hna caah nuntthap lo cu thimding dang kan ngei lo. Democracy kan herh i zalonnak kan herh, Zalonnak le diknak le Democracy kan ngeih hlan lo cu kan i din lai lo. Asung kan khang lai lo, kan ngol fawn lai lo. Kan dih lak in kan ram mipi caah kan nun kan thaap tiah BBC nih biaruahnak an ngeih lio ah a chim.

Be the first to comment

Leave a Reply

Your email address will not be published.


*