MIN AUNG HLAING CAAH THAWNGCHIA, HNARING LE REZUA PALEK TAMTUK CDM AN TUAH

Nithum chung ah Rezua le Hnaring Palek 22 CDM an tuah. Chin Ramkulh Rezua Peng Lungngu, Ramse le Thantlang Peng Hnaring khua Palek sakhaan in Palek 22 cu 2021 May 31 in June 2 tiang ah CDM an tuah, tiah kan theih.May 31 khan CDM an tuah i June 2 tiang ah 22 an si. Tam deuh cu Chin miphun an si i atu hi Rezua Palek Sakhaan hoi ahcun Palek 8 hrawng lawng an taang cang.

CDM a tuah mi hna hi an dihlak in hmun khat ah maw an um, asiloah a dang cio in dah an um ti cu ka hngal kho lo,” tiah khuami pakhat nih The Hakha Times ah a chim.Minung pakhat nih phone a vun ka chawnh i fuurpi a si fawn, ramtang ah ihzaunak, umthutnak le tirawl kong ah kan harsa ngaingai, tiah a ka chimh,” tiah khuami pakhat nih The Hakha Times ah a chimchap. Credit: The Hakha Times

Thantlang Peng, Hnaring Khuapi CNLD mino nih khuachung ah thimfung lemnak  an tuah - Khuaruah Har News

Thawngpang Dang:Ralhrang kawl Ralkap nih rian an khinhmi khuabawi a thattu cu kan mah kan si tiah Tenhse PDF lei nih thawng an thanh. Tanhse peng Paw Oo ah ralhrang kawl ralkap nih khuabawi rian an khinh mi U Ye Htun cu tuzing suimilam pasarih hrawng ah Tenhse People Defense Force hnatlak nak in kan thah mi a si tiah PDF lei nih thawng an thanh.

Hi konghe pehtlaiin Tenhse PDF nih a luancia mi May thla ni 29 zaan ah Yinma peng KarPaung khua in a rak kir mi ralhrang kawlralkap lei mawtaw 4 cu lam ah bomb puah hnawh in an rak kah bal. Tenhse khua ah a lutchuak mi dalan hna le ralhrang kawl ralkap rian khinh mi khuabawi rian a tuan mi cun mipi harnak pek dingah ralhrang kawl ralkap he a pehtlai mi poh cu hibantuk in Tenhse PDF nih kan thah hna lai tiah thawng an thanh chih.

Tenhse PDF nih mipi hna cu ralhrang kawlralkap siseh ralhrang palik hna he I chawnhbiak lo ding, zaan suimilam 6 hnu ah leng chuah lo ding. Culawng siloin lung hrinh awk a si mi thil hmuh mi paoh tongh lo ding in mipi cu ralrin an pek hna. Tenhse PDF cu May thla ni 29 ah ralhrang kawlralkap dohnak ding le mipi kilhkamh nak ding caah tiah an rak dirh mi asi.

Be the first to comment

Leave a Reply

Your email address will not be published.


*