Mi That Tu Pa Nih A Thah Nak A Ruang Cu Ti Hin A Phuan

Kan theih cio bangin falam peng Rih Khuadar mi thah nak thawng pang cu a vun lin sa tak tak , a tang lei hi Mi that tu oa nih a chim mi um lai,Atu bantukin thawng hun theih cu, tuk a sum hleiah ṭihnung taktak khi a si. Falam peng, Rihkhawdar i MRTV (ထပ်ဆင့်လွှင့် စက်ရုံ) ṭuanvo ngeitu Kap Hlei Piang (Suangdo khua mi) cu Nov 3, 2020 zaanlei suimilam 5 hrawngah ṭihnung taktakin thah atong. A thattu pa zong an tlaih khawh cang tiah theih a si.

Hi thahnawnnak kong he pehtlai in Rihkhawdar khuabawi Pu Lalchanlian nih,“Zaanlei sangah Sakhanhmu leiin hi ka ah lunghrinhmi an um tiah phone a rak ka chawnh. Kan zoh i lungzi in minung luh a rak tuam/funmi pakhat nih cun arak i put. Bia kan hal len nain zeihmanh a chim duh lo. Pathian bia a chim lengmang.

“Zeiruangah dah athah, biaalnak le i hmuh thiam lonak an ngei maw timi cu ahohmanh nih kan thei lo. Amah cu Pathian bia arak buai i aupi cuahmah. Thinlung leiah harsatnak ( a lungtling lomi) angeimi a si. Atu zong hi Pathian nih a ka fialmi a si tiah a chim. Athahmi pa cu puan in a ruak cu an rak khuh i a cungah Bible ca a chiah chih. Cun, catlap ah fiang huaha loin Bible ca a ṭialmi a um,”tiah a chim.

Atu bantukin Pak Hlei Piang (Suangdo khua mi) a thattu pa hi Mindat pengmi a si i Rih ah rianṭuanmi a si mi sinah kumkhat leng a um cangmi a si tiah thawng kan theih. Ngaihchiatnak atongmi chungkhar Bawipa nih an ngaihchiatnak hnem hram ko hna seh. Thlacamnak in bawm cio hna usih. Chirhchan: Chinlung Today

Note: Hi Cabia hi thawng pang dik tha tein hlat tlai tu nih a hlat hnu ah tar langh mi a si bangin lih lo ttawn cop a si lo ti kha kan fian ter hna .

 

 

Be the first to comment

Leave a Reply

Your email address will not be published.


*