MEITHA BAK IN AN TTHUAT CANG HNA, APOI KHO TAKTAK

Nihin (Feb. 9) ah palik lei nih lamzawhtu pawl a voi khatnak bik meithal in an hun kah hna. Naypyidaw lamzawhnak ah tikahnak (Water Canon) in mibu an tthen lio ah palik nih meithal kuan taktak in an kah chih hna caah nu pakhat le pakhat faak ngaiin hliamhma an pu.Palik pawl hi lamzawhtu kah nakding ah meithal kuan taktak a si lomi khaihriat kuan (Rubber Bullet) pek an si nain Naypyidaw ah cun kuan taktak in an kah hna.

Image result for police shoot protester in myanmar

Mandalay lamzawhnak ah cun palik nih Rubber Bullet hmang in an kah hna i lenglei takvun hliamhma a pumi an um.Naypyidaw ah meithal in kah a tongmi minung pahnih lak ah pakhat cu Ma Thwe Thwe Khaing (kum 20) a si i, a dang pakhat hi Ko Soe Wai (kum 23) a si. Ma Thwe Thwer Khaing hi a lu ah meithal kuanfang nih a khen i a nunnak a liam tiah ahmasa ah an ruah nain Naypyidaw General Hospital i sibawipi nih nun him in a um i, a hliamhma tu a fak ngai, tiah BBC ah a fehter.

Image result for police shoot protester in myanmar

Meithal in kah a tongmi an pahnih ning in Naypyidaw General Hospital ah thlopbul an si. Naypyidaw ngandamnak vuanci zungpi nih ralkap sizung ah tthial ding in an hnek hna. Asinain, atu tiang cu an pahnih ning in ralkap sizung ah an tthial rih hna lo. February 1 ah Myanmar ralkap nih uknak an lak i Myanmar President U Win Myint le State Counselor Daw Aung San Suh Kyi telh in ramhruaitu tampi an tlaih hna. Minung an tlaihmi hna i 150 leng an si.

Image result for police shoot protester in myanmar

Ralkap nih uknak a lak hnu a ni sarihnak (February 7) ah Myanmar ram huap hi duhlo lamzawhnak a chuak. February 8 le 9 ah ralkap uknak duhlo lamzawhnak a fak chinchin. Naypyidaw ah meithal in kahnak a um pin ah Magwe, Mandalay le Meik tibantuk ah thazaang hmang in palik nih mibu tthennak le tlaihkhihnak pawl an hun um cang. Yangon khuapi ah cun nihin thawk in lamzawhtu tthen ding in ralkap pawl an thlah hna. Asinain, atu tiang ah Yangon ah cun lamzawhtu le palik/ralkap karlak entainak a um rih lo. Cherhchan: BBC, Myanmar Now. Credit The Chin Journal.

Be the first to comment

Leave a Reply

Your email address will not be published.


*