MALAY AH KA RAK KIR TTHAN LAI TIAH ANAU NUTE SIN AH MANGIN AI LANGH

Tutan Laimi kan tonmi thawngpang cu khuaza ramkip a ummi vialte an lung anuam cio hna lo. Laimi nih hibantuk thil kan ton hi cu hlan ahcun a um ti lai lo dah. Cutluk cun tutan kan tonmi hi lung a fak i, ngeih a chiatuk hringhran. Theihcio bangin kan farnu Sui Hlei Tial ruak cu a chuahsemnak le, a dawtmi a chungkhar hna sin ah tlunpi a si.

Asinain zanmang manh lo, a chuahsemnak le a dawtmi a chungkhar vialte umnak hmun le hma khua le ram a rak phan nain nawlngeitu hna nih tlun in an donh i, Lampi ah nawlngeitu hna nih an vui. Thinlung afaktuk hringhran, Laimi vialte kan ngeihchiatnak le kan lung afahnak hi bia le hla zong nih adeih lai titluk in a zualhma i, thinlung asuktuk hringhran.

Kan pupa hna nih an rak ti lengmang cu a nunnak aliammi hna hi siaharhnak pakhat khat an ngeih ahcun an chungkhat hna sin ah zanmang in an rak i langh tawn ti asi. Cucu Laimi tampi chungah a um cangmi zong asi. Tutan thil konghe pehtlaiin minung tampi hna nih an chimmi cu kan Farnu Sui Hlei Tial ruak an tuahto ning hi cu a thlarau zong aa nuam lai lo i, a lung afak ve ko lai tiah an ti.

Tutan ah thawngpang pakhat a hungchuak mi hi ruah lengmang tikah lung hrimhrim a ttha lo tuk. Kan farnu Sui Hlei Tial cu Malaysia ah a ummi a nau sin ah zanmang in a rak i langh tiah an rak langhter. Alangh ning cabia an ttialmi hrimhrim cu lung afaktuk hringhran khi a si. Arauthla in a rak i langhning, a naunu sin ah zanmang in a rak i langh ning cu atanglei bangin an ttial.

Malay i a nau nute mang ah, Ka chuahnak Laitlang ahcun ka phan nain Thantlang khuachung hmanh an ka luhter lo i, ka ngeih a chiatuk, ka rak kir than lai tiah a nau nute sin ahcun mang in a vai i langh tiah an ttial. Ka chuahnak Laitlang ahcun ka phan nain Thantlang khuachung hmanh an ka luhter lo i ka ngaihchia tuk, ka rak kir tthan lai tiah a nau nute sin ahcun mang in a vai i langh.

Note: Mah cabia hi, Group ah an tialmi vun langhter chinmi a si. Biadik a si maw silo timi cu theih asi rih lo. Thenkhat nih cun biadik asi ko tiah an ti, nain tthenkhat nih cun a zum lomi zong an um.

Be the first to comment

Leave a Reply

Your email address will not be published.


*