LAIMI VIALTE NIH THEI CANG UH, THUTDEN 39 HNA HI KAN COVO BAK ASI

Chinram Nih Kan Tincomi Hluttaw Thutdan 39 Zong Hi Chin Miphun Caah Kan Covo An Si. Kan theih cia bantukin Kawlram (Myanmar) cu Miphun le Ram (8) komh in sermi Ramkomh ram asi. Ramkomh union le Ramțhen State i ukhruianak ding caah nawlngeihnak Power (SEAT) cu milu tuak in Covo i phawt cio asi. Chin nih Union ah Power Covo țhuatdan 21 le Ramkulh caah power țhutdan 18 kan co ve.

Kawl nihcun Union ah power thutdan Covo 391 le ramkulh caah 800 deng an ngei i a tam taktak.Kan nawlngeihnak Covo thutdan 39 hi kanmah Chinram nih kanmah tein kan i tlaih awk ding hrimhrim mi asi. Phundang i chim ahcun Chin kan Covo, Kawl an Covo le adang miphun an covo komh in Union Ramkomh hi ukhruai ding kan si. Atucu Kan Covo chuh dingin Kawlrawn Party pawl cu kan ram ah an luh.

Tampi nih kan rak cohlang ve hna rih. A ngaingai ti ahcun Chinram ah hin Miphun party (Chin party) tuhi tampi aum ding asi. Kanmah Chin party pawl nih kan covo cu an i cuh awk asi. Atu cu kan covo kha Kawl he aa cuhmi ah kan tla i a poi taktakmi asi. Kan Covo hi midang pe ti hna hlah usih. Ramkomh (Union) kan ti țung i Miphun dang nih Chinmi kan Covo (țhutdan) an kan chuh lengmang ahcun ramkomh cozah timihi sullam zong a ngei ti lai lo.

Cozah a serkhomi party hnu poh kan dawi peng ahcun Chinmi kan covo hi kan sungh peng ko lai. Zeitik hmanh ah kan laa than kho lai lo.Phunghrampi sertu e ralkap dotu e tihi chim caan zong asi ti lo. Asi kholomi asi ticu a fiang tuk cang. Tlangcung miphun dihlak nih kanmah le kanram cio ah lungrual tein 90% teinak kan hmuh ahcun Ralkap le Phunghrampi dotu caah hraimnam thacem asi deuh.

A hram i bawngh siloin a par in kan choih a herh. Phunghrampi le Ralkap cu A par in kan chok lengmang ahcun a hram zong nih a celh lailo i athi te ko lai. A par i choih sullam cu tlangcung Miphun poh nih kanmah le kan covo kha co khawh asi ko. Cucu kan thazaang thacemmi asi fawn. Atu lio Chin tam deuh policy cu anmah Kawl cheukhat he i fonh in Phunghrampi kha a hrampi in phoi kan i tim.

Asi kholomi asi.Asi kho bal hoi lai lo. Phunghram hrawh duh ahcun a hram phoi siloin a par in choih lengmang ding asi.Chin kan Covo timi biafang sullam hi a thuk tuk. Cun chim duhmi sullam zong tampi a ngei rih. CNLD nih kan Covo lak țhan ding antimi ahhin Kan Covo phunkhat asi vemi cu Hlawtdaw Thutdan zong hi aa tal vemi asi ko.

Kan Covo lak țhannak caah Chinmi kan lungfim caan a cuu cang. 2020 thimnak ah kan Covo Thutdan (power) 39 Seat hicu miphun dang kut ah siloin kanmah Chinmi kut chungah tlaih caan asi cang. Chin party (CNLD) hi vote hna ko usih.(Chinram ah Kawlrawn party an um lo tikah cun Miphun Party hi tampi dirh asi te lai i kanmah le kanmah tu kha kan i cuh te lai. .cucu asi awk ding zong asi). Credit: Jacob R Thang.

Be the first to comment

Leave a Reply

Your email address will not be published.


*