LUNGRAWK BAK ASI KO CANG, THIH HNAWH APHU CANG LO MAW

Tulio CHIN ram sining le Hakha cawlcanghning Tlawmpal.Covid 19 Ruang ah siang in khar a si i Biak in zong khar a si i Chung khar Thlacam zong khar a si. Chung khar Thlacam hmanh khar lio ah. Ramkhel party cu minung 50 tiang i pumh an i onh. Covid 19 Chuah kaa te ah. Evan Tawk uk le Rev Biak lian thang Cu Thong thlak an si. Cu hnu ah. Rev David lah le a hawi le Thongthlak tthan an si.

Cu hnu ah. Evan Van ni le Pu That kung cu Chung khar thlacam an tuah ruang ah thong ah thlak tthan an si i a tu zong Thong chung ah an um lio a si. Mi tam pi nih Cozah nawl pei an buar cu ti a si i hramh lei um lo in Sawi sel Thang chiat tu in kan i la. A si ah Nang tah Co zah nawl cu na ngai tak ma ngai tak lo van bih ta sih.
Cozah nawl lo in vulei naa lak maw? 105- 106 loin inn na sa maw?

Inn Hmun teh nan i caw ma. A zuar teh na zuar ma? Cozah nawl lo in Thing na at ma. Na hau ma. Mei hol teh na raw ma? Hmun thur tah Cozah nawl pek lo nak ah na hlonh ma? Vulei thil kong vial ah. Cozah nawl ngai hlenghleng ttung lo i. Pumh kong le Thlacam kong i Cozah nawl pei an ngai lo cu an tleih hna lai ta. An thlak hna lai ta hei ti Mah vial mah ca tthat nak a si ah cun mi ngeihchiat zong poi ti lo.

Inn pa ngeih chiat zong poi ti lo i Ruru hranghrang i khua hei sak ttung. Lai mi zum tu kan si ning ruah a cu tuk hi. Pastor zong nih. I pum hlah uh. Thlacam hlah uh. Khua bawi sin ah kan in lei hna lai hei ti. Uktu bawi nawl ngeih cu Pathian duh mi a si hei ti. In le lo le Hmun le hma le mah paw cawm nak kong vial i Zum lo tu nak in i hlirh deuh. Zung chuah zong ngamh deuh. Pumh lo ding. Thlacam lo ding. Chung khar pumh zong tuah lo ding hei ti i Amen Tthat ngang.

Nan pu Seh lomh zawng nan thiam ngai. Danial 3:16. Judah Tlang val pa 3, Danial 6:10. Danial Chiandeih Thong ah, Exo 2:1. Faro fa nu nih. SPH nawl ngai seh law moses a thi hnga. Mat 2:12.Nichuah lei mi fim 3 nih SPH nawl ngai hna seh law Jesuh a chuah kaa in a thi hnga. Exo 1:19. Saya mah 2 nih SPH nawl ngai hna seh law Isarel pa vial te an thi dih hnga. Lam 4:17. Peter le Johan Lam 5:17, Lam 7: 54. Steven Thih nak, Lam 12:1. Peter Thong an thlak, Lam 16:16. Poul le Silas Thong an thlak hna.

Hawi dawt hna Jesuh ruang ah cun Har tuar a phu, Sungh a phu, Thong tlak zong a phu, Thih hnawh zong a phu. Tulio i Jesuh ruang ah Thong i a tla mi hna caah Thla fak pin cam chin hna u sih law, Kan lairam Laimi phun ah Tthangh nak fak pi kan co khawh nak lai Thlacam i zuam chin hna u sih. Ram khel rian vial i ral tthat ngai. Khua lak ah hehheh tiah hei au khuang ngam.

USDP hei ti i thih ngamh, NLD hei ti i thih ngamh, CNDP hei ti i thih ngamh. CNP hei ti i thih ngamh, Vulei ca hmanh i thih kan ngamh ah cun, Kan biak kan Pathian caah cun ngamh chinchin ko hna u sih. CHIN ram Khrih fa ram ah Jesuh khrih cu Thih tiang zumh tlak in dir pi hrimhrim ding a si. Vulei cung khua za kip ah thih tiang in dir pi hrimhrim ding a si. Credit: Niuk

Be the first to comment

Leave a Reply

Your email address will not be published.


*