LUNGLER SAKHAN KAH RUANGAH A ZAAMMI HNA CU MIZORAM LEI KHUA 2 NIH AN DON HNA

Lungler sakhan kah ruang ah a zaam mi hna Mizoram Cherhlun le Ngharchhip khua nih an va don hna. 2021 September 10 Thantlang Peng, Zahnak tlang Lungler sakhan kah ruang ah khua chuah takin himnak lei ah a zaam mi hna cu Mizoram, Cherhlun le Ngharchhip khuami hna nih nihin September 11 ah an va don hna tiah thawng kan theih.

Atu an va don mi hna hi a tam deuh cu Lungler khuami le pawngkam khuami hna an si. Hi kong he pehtlain Thingsai khuasa T Zosangpui nih, “Lungler sakhan kah ruang ah a zaam mi hna hi Cherhlun le Ngharchhip khua mi hna nih tlangrian hrihhawh in an va don hna. Khuachung i motor a um mi poh kal in an umnak hmun tiang an va don hna,” tiah a chim.

Hi ralzaam hna ca ah zeitindah khuami nih an tawlrel lai i an zohkhenh hna lai ti thawngfiang a um rih lo. Lungler sakhan kahnak ah CNA/CDF lei in a thimi an um lo nain minung 7 hliam an tuar tiah i SAC mithat phu lei zong tam ngai an thi tiah kan theih. Myanmar ram uknak hramhram in Min Aung Hlaing nih a laak hnu Mizoram ah a zaam mi hi nihin tiang minung 1000 fai an si cang. Hi chung ah CM hlun Salai Lian Luai telh in MP minung 20 leeng an si cang tiah kan theih. Credit: The Hakha Post.

May be an image of map and text

Breaking News: Hakha BEHS No.3 chak ah motor pakhat break rawk in aa let, aa hliam mi an um lo. Nihin September 11, 11:40 hrawng Hakha ah lungphur mi motor (Forland) pakhat cu Gospel Baptist Biakinn chuk in a break rawk (poh) i BEHS No.3 chak ah a va let, tiah kan theih.Motor khaaltu nih a zuultu (spears) pahnih cu a zuanter manh hna. Aa khawng cu an um lo,” tiah motor aa lehnak hmun ah ahmutu pakhat nih The Hakha Times ah a chim. Credit: The Hakha Times.

Be the first to comment

Leave a Reply

Your email address will not be published.


*