LUNG ATTHA HRIM LO LAIMI PASTOR PHUNGKI ZOHKHANHNAK AH AN UM

Lung Attha Lo Ngai Ko Hih:A tu Hi Ziah Mah Hi Nan Theihlo Maw A Si Kan Lai Mi Hmanh Ah Khrihfa Pawl Phungki Pawl Zohkhenhnak Tangah Nan Um Ter Hna. Tutan pulrai kong i ikilvennak kongah thinlung a nuam lo ngaingai ko hih.Yangon khuapi chung ah hin Laimi tampi nan um hna i,Bu zong tampi nan um hna ti cu kan theih i cuhlan ahcun laimi hna nan ngamter i nan kan ngamter cio i a langin kan rak ilawm ngaingai cio.

A tutan thil kong belte ah ziah nan daih diam ko,milem a bia mi pawl zong nih an tuah khawh mi cu ziah kan nih a nungmi, Pathian a biatu kan si i nan tuah kho ve lo maw a si,an in onh hna lo bia dah a si? kan miphun, Khrihfa ramdang in kan ram ah a rak tlung mi pawl cu milem bia pawl hna nih an rak zohkhenh hna i an rawl eika hmanh a thawtphah hna loh ti si.

Ziah,Yangon a um mi Laimi bukip fawnh zong nih miphun dang ca i nan tuah khawhlo hmanh ah kan lai mi khualtlawng pawl Yangon an phanh i erhkhumhnak i zohkhenhnak hmun le hma caah hmun nan ngei hna lo maw? Biakinn cu a tam lengluang ti le theih a si fawn tik ah ziah a tu,Lai mi Pastor hna zong phungki zohkhenhnak tangah erhkhumh an si i tirawl zong peek an si.

Mah hihi van theih tik ah lung a nuam lo ngaingai.Laimi tampi Yangon ah hin an rak tlung theng lailo i a tlung hnihchun te rak zohkhenhnak hmun tal hi cu rak tuah kho ulaw zeitluk khin dek a hei that hnga mu. Kan Bible nih cu tihin a kan chimh.”A zum lomi hna he i fonh cetcut tuk in riantuan ti hlah u; cucu a si kho lomi thil a si.

Zeitin dah a dingmi thil le a ding lomi thil cu hawikom an si khawh lai?..(2Korin 6:14).Zumlotu hna he ei din tti lonak kong zong a kan chimh len ko khah. Palhnak remh piak ding.Kai lawm. Cattialtu Pu Tin Duh Thang