LUNG AHMUI TUK CANG, TEDIM MIPI RALKAP PHOMH AN TIMH CANG HNA

Thawngpang ttha si ko cang, Ralhrang kawlralkap le palek hna cu ttihnung ngaiin ralrinnak an pek cang hna. Tedim khuapi cu Tedim mipi le khuami hna nih kan uk cang. Ralhrang uknak tangah kan um ti lo. Cucaah ralhrang kawlralkap le palek lei nih License a ngei mi Metihal paoh Palek sin ah ap cang uh timi nan au rih asi ahcun kan in kah hna lai.

Culawng siloin khuami siseh inn ngeitu hna nawlpeknak tel loin ralhrang le ralkap palek hna nih kan inn le kan lo ah nan rak luh ahcun khuami kan i bawm lai i, kan i kah cang hna lai tiah Tedim Civil Society Support timi official facebook nih an langhter cang. Cun a tangah an ti tthan rih mi cu Civil Armed Force tiah an i ti rih. Hi konghe pehtlaiin thanhnak an tuah ve hna.

No description available.

Falam le Hakha tibantuk zongah Civil Arm Force, Mipi hriamtlai timi an langhter in catar nak zong an tuah cang ti asi. Ralhrang kawlralkap le palek kan doh cang hna lai, Mipi hi ralkap kan si dih cang timi thawngthanhnak cu mipi vialte hmuh le theih dingin an tarlangh ve. Tutan ah Tedim nih ca an atar langh mi hi uar an um taktak.

Hi catar le thanhnak tuahmi hi phundang in chim ahcun ralhrang ralkap le palek kan in kah cang hna lai, ral thawh ding in timhcia kan si cang timi thanhnak bantuk a si. Tuan deuh ah hi konghe pehtlaiin CRPH zong nih thanhnak an rak tuahmi cu ralhrang kawlralkap le palek hna hi nan nun himnak ding a si ahcun kap hna uh, tiah nawl an rak chuah ve cang.

Be the first to comment

Leave a Reply

Your email address will not be published.


*