LUNG AFAKTUK EE, TUNAI TE AH KAN REV NIH MUAL AA KAN LIAMTAAK

Nihin cu Chin miphun kan caah thawngpang chia taktak, kan sian lomi hna, bochan mi le Pathian rianttuan cuahmah liomi minung pathum nih hi vawlei nunnak in an kan liam tak ni a si. Thinlung a fak in ngaih a chia tuk hringhran.Rev. Khaw Nei Khuai (Evan) nih tunai ah an kan thih tak ve tiah kan theih. Rev. Khaw Nei Khuai hi Aizawl LCF ah Pastor, Evangelist le ngakchia pawl cawn piaktu pakhat a si.

Tulio dam lonak ruang ah Yangon ah tuzaan suimilam 8:30PM ah an kan thih tak tiah kan theih.Nihin lawng ah Chin mi chung in Pathian rianttuan, bochan mi pathum nih an kan liam tak. Yangon ah a um mi, Chin mipi nih bochan tuk mi Rev. Dr. Cho Hung Om Ngai nih nihin zaanlei ah Yangon ah an kan liam tak ve. Cu lawng si loin Evan. Lal Lian Tai, (Kum 61), El-Bethel Baptist Church nih Tahan ah an kan liam tak ve tiah kan theih fawn.

Cun tuzaan lei thiamthiam ah Rev. Khaw Nei Khuai nih an kan liam tak tthan ti a si. Nihin lawng ah Chin miphun chung in Pathian rianttuan minung pathum nih an kan liam tak cu thinlung a fak tuk hringhran. Tantak mi chungkhar, Khrihfabu dihlak Pathian tu nih hnem cio hram hna seh.

Thawngpang dang relchih: Kalaymyo, Tahan hrawng ah meithal thawngpang theih len asi. Tunai suimilam 8:00pm hrawng in Meithal thawng theih asi nain thil sining fiangafai in theih khawh a si rih lo. Meithal thawngpang kan theih mi hi Zun(10) leng pi a si, pehtlaih in kan theih cuahmah ko, kaphnih kahnak Meithal thawngpang bantuk a si ko” tiah neihniam pakhat sin in kan theih.

Tuzaan Kalay meithal thawngpang kong ah thawngpang fiang theih a si rih lo nain, cheukhat nih cun “PDF, CDF him tein um hram hna seh” tiah ca an tial mi, comment tete hmuh khawh asi. Pathian nih mipi le kan ram kan venghim hram seh. Thawngpang tlamtling tein thanh khawh kan rak zuam tthan lai.

Be the first to comment

Leave a Reply

Your email address will not be published.


*