LUNG AFAK KHOTUK, FIANG TEIN THIL SINING A CHIM CANG VIDEO

Tutan thilcang cu apoi ngaingai ko. Pi Van Bawi Hnem, cu a vapa damlo sizung ummi thlopnak dingah aithing ka zuar lai a ti i, Hakha Siipin nih an tlaih piak. Mah an tlaihmi cu Pi Van Bawi Hnem nih voithum tiang a nawl hna nain an pe duh lo. A voilinak ah nawl dingin a kal than ah hin Siipin nih hmunthur rialnak seh in an rialpiak dih tiah theih asi.

Aithing hi salaaih 10- cuai 176 a si tiah naihniam pakhat nih a chim. Pi Van Bawi Hnem cu angaichia tuk caah nihnih chung bakte mithli he aa ciah ko tiah a chim chap. Mah kongah Ro Lian Thang nih alungthatlonak cu amah timeline ah hitihin a tial ve; Thantlang peng Tlang lo khua mi Pi Van Bawi Hnem aithing Hakha sii pin nih hmunthur rial nak ah an ral piak mi cu apoi ko.

Ngaih zong achia, nawlnak an tuah mi zong an cohlan piak hna lo, cuti asi ko ahcun Siipin cu mipi tangka in riantuan mi, lahkhah pek mi an si caah, mipi cungah thil an tuah ngam bantuk in an riantuan ning hlat hlai i ading fel lo mi cu aherh ning in tongh ve ding an si ko,lo maw, mipi tangka in thutden cung thut i mipi zeirel lo mi zung riantuan tu cu tih ding asi lo, adawi in dawi ding asi” tiah a ti.

Hi hi adik bak ko ahcun, ahmanmi biaceihnak kan herh tuk tinak asi. Cozah nih action an lak hrim hrim a hau lai. Sifak santlailo nih kanmah kut tein kan tuan kawlmi cung hmanh ah nawl kan neih khawhlo ah cun, zeitindah kan nun hi a him khawh hnga. Pi. Van Bawi Hnem nih a chimmi video in a tangah hin zoh khawh asi.

hIKA HI VOIKHAT IN HMEHPIAK LAW VIDEO ZOH KHAWH ASI

Be the first to comment

Leave a Reply

Your email address will not be published.


*