Lung A Hmui Kho Tuk Ee Chin Baptist Church (USA) Hna Nih Bawmhnak An Rak Pek Ve.

MZP le Chin Baptist Church- USA tangttiin ni hin 8.4.2021 Farkawn, Thekte, Thekpui, Khankawn ah a umlio mi ralzam hna caah Facang, meh hang le Silpaulin (inn cung khuh) hna an pek. MZP General headquarters Aizawl in General Secretary ho in hruaitu cheukhat le Champhai MZP headquarters le Branch hruaitu cheukhat hna kan kal tiah MZP General Secretary nih a chimh.

An Thil Tuah A Tha tuk Hringhran. kan i lawm bawipa nih thluachuah letza he lam hraui hna seh. an retheih thabatnak zong in cham ko hna seh law.

RELCHAP : KAWL RALKAP VANZUANG CU SHAN HRIAMTLAI NIH TLAA LAK IN AKAH PIAK :

Nihin April 8, 2021 zaanlei ah khan Min Aung Hlaing ralhrang pawl Helicopter cu SSP/SSA Sakhan umnak pawng ah a tu le tu arak zuang lengmang, cu ruang ah SSPP/SSA nih an kah hi asi. Cu ahcun Kawl ralkap lei ralbawi rengsang ngai a simi pakhat cu kuanfang nih a khen caah fak ngai in hliam a tuar tiah SSA ralkap lutlai nih a chim.

Min Aung Hlaing ralkap hi nizaan April 7, 2021 zong ah khan “WA” hriamtlai phu (UWSA) he tonnak, biaruahnak an ngei. Cu ahcun SSPP/SSA umnak lei ah Helicopter in kan rak ra lai tiah thawngthanh nak zong Ralkap lei nih cun an tuah. A si nain kan ra lai an timi mi a ni le a caan ah rat loin nihin zaan lei ah Helicopter in SSA umnak Sakhan cung ah an rak rat caah an kah hna hi a si.

“Nizaan ah khan Kawl ralkap nih Wah hriamtlai phu he ton biaruah nak an ngei. Cun kan mah SSPP/SSA he zong tonnak kan ngei lai tiah theihter nak an kan tuah. A si nain an rak ra hlei lo i tuzaan lei tu ah Helicopter in kan Sakhan cung an rak zuan caah kan kah mi hna a si. Kawl ralbawi rengsang ngai pakhat cu kuanfang nih a khen caah fak ngai in hliam a tuar tiah kan theih” tiah
SSA ralbawi nih cun a chim.

Kawl ralkap hi biatak tein an thluak an hmang cang. Wah hriamtlai hmunram ah an kal i training zong an pek hna tiah DVB nih a tarlangh ve. Cun Shan hriamtlai phu a simi SSA zong nih nizaan ah Kawl ralkap le Wah hriamtlai an i tong tiah fehternak antuah. SSA zong ton ding in a chimh hna, a si nain a chim mi a nicaan ah rat lo in nihin zaan lei ah Helicopter in an rak rat hnawhhna caah SSA nih Helicopter tu an kah hi asi.

 

Be the first to comment

Leave a Reply

Your email address will not be published.


*