LOHBAK ASI, NI SUI LIAN A TLINNAK ARUANG APHUAN CU TUKSUM BAK ASI KO

Tutan thimnak ah khan kan tei lai 100% ka rak zumhmi a si. Nain Sayama Nisuilian khi tender bawhtu company hna nih phaisa thazaang in an bawmh kho tuk, a sung cang tiah kan rak ruah ko nain mee thlak lai ni 2 ah Mara tlang khua kip ting 50 cio in a cheh hna, khua dang zong ah phaisa a cheh len lai.

Pumpak in phaisa an pek hna i mee an cawk timi zong ka theih, phaisa an pek lio belte cu hmuh khawh si ve lo. Nain phaisa in cawkmi teinak timi cu fiang tein chim khawh a si, phaisa in cawk khawhmi dirhmun ah Chinmi kan um rihmi cung ah ka lungtha lo. Tazacuai ka timh tinak cu a si lo mu, kei cu Yangon ka inn ah lung dai tein ka va um rih lai hih. Credit: Salai Lungthlitum

Tutan 2020 thimnak result zeimawzat ka theih cu ka ngaih chia bak ko.Nain CNLD nih mah miphun dawtnak kongah lungput (Mindset) in teinak kan co mi ka ruah ah kaa lung hmuih than.Party hruaitu hna le candidate hna le mino vialte le vote a petu vialte upatnak kan pek hna. CNLD mino hna nih khi lei thlichia a hrang mi kha hi lei ahhin kan lungthu le kan tappi cu a si tiah khua kip ah muko an tum thawng cu Chin ramleng tiang a cul dih i lung a hmui kho tuk.

Democracy i a hrampi le a muru cu minung nih kan ngeihmi covo zalong tein kan hman khawhnak cungah hram a bunh mi a si.A bik in cu kan miphun covo kan hmuh khawh thannak ding caah kan i zuam.Cu ruangah kan miphun identity a si mi “Chin” party CNLD kan dirpi.A cozah a ser kho dingmi va tanh khi kan mit a thi naisai lo eh. Zeicatiah a sung deuh mi thil kan i tlaih.

Kan i tlaihmi le kan i timhmi hmailei kan nor khawhnak ding caah CNLD cawlcangnak hram kan thawk khawh hi teinak a si ve ko.Cozah tlaih lo zongah caan karlak ah miphun caah tuah ding tampi a um liangluang ko. Tuzan cu mitku sii he it phawt ko ning! Thaizing cu ni dang a si te ko lai. Credit: Salai Tin Maung Win

Be the first to comment

Leave a Reply

Your email address will not be published.


*