LAWMNAK KUT BENG USIH, A SUNGLAWITUK. THAWNGPANG TTHA AN THANH

A sunglawituk mi thawngpang kawlram caah Nagaland nih thawngthanhnak an tuah. Tulio kawlram buainak konghe pehtlaiin India ramchung a simi Nagaland cozah nih thawngpang ttha an langhter. Tulio kawlram buainak konghe pehtlaiin Nagaland cozah nih thanhnak an tuah mi cu Kawlram ralzam hna kan ramchung ah nan rak luh a si ahcun innka kaupi in kan on.

Nan herh mi vialte zong bawmhchanhnak tuah dingah timhcia kan si tiah Nagaland vuanci Neiphui Rio nih thanhnak a tuah. Kawlram ralzam konghe pehtlaiin Nagaland vuanci pawl hna cu tonnak meeting an tuah. Meeting an tuah hnu ah a tubantuk in Nagaland vuanci nih thanhnak atuah hi a si. Theihcio bangin India cozah nih kawlram ralzam cohlan lo dingin thanhnak arak tuah cang.

Sihmanhsehlaw ram innpa a simi Manipur siseh Mizoram hna nih cun lunglawm tein cohlannak an tuah. Culawng siloin tutan ah Nagaland cozah nih thanhnak atuah tthan hi a si. Lunghmui ngaiin thanhnak atuah mi cu, kan unau a simi kawlram ralzam hna cu kan ramchung ah kan umter hna lai, kan in cohlan ko hna, nan mah bawmh dingah timhcia kan si tiah an langhter.

Theihcio bangin Nagaland cozah hi anmah khuakhan lairelnak tein aa uk vemi an si. India cozah nih hin Nagaland konghe pehtlaiin nawl angei tuk lo. Asinain ramri konghe pehtlaiin cun India cozah pi hi nawlngeitu asi. Nagaland state hi Laimi tampi nih cun kan theih dih ngawt hna lai. Tuan deuh ah Rung Lian Ceu le Hakha peih tthawngpawl an rak kalnak hmun le ram khua kha asi. Credit: TCS

Nagaland elections 2018: Neiphiu Rio, BJP ally and former CM, has already  won unopposed with two weeks to go for polling | India News | Zee News

Relchih:Chinram Matupi ah ralhrang kawlralkap nih tlaihmi minung 11 chungin 6 cu thlah an si cang. Chin State Matupi khua ah CDM cawlcanghnak he aa pehtlai men lai timi minung 11 ralhrang kawlralkap hna nih an tlaihmi hna chung in munung 6 hna cu tuni ah an thlah cang hna tiah thawng kan theih.Thlah loin a tang rih mi minung 5 hna hi Tazacuai asi lai maw silo kan thei ve lo,

Hi konghe pehtlaiin Cunglei ah hal nak kan tuah lio asi tiah Matupi palek pakhat nih achim, tiah khuami minung pakhat sin in kan theih. Chinram Matupi khua, khuanu khuapa hna le Biaknak lei kan pa le hna zong nih ralkap nih tlaihmi minung zapi luat nak dingah zuam cuahmah lio asi ko tiah thawng kan theih. Credit: Chin World.

Be the first to comment

Leave a Reply

Your email address will not be published.


*