LAUTU MIPHUN VIALTE NIH THEIH AHARH BAK MI BIACAH ASI CANG

Saya Rung Kaw Le Salai Dokhar Cu Lautu Miphun An Si Caah. Politic ahcun chungkhar, unau an um lo personal decision ahhin dir cio asi tiah kan chim cio ko nain National Father asi veve mi G. Aung San le Mahatma Gandhi nih cun miphun hram bunh in le miphun tanhnak dirhmun in Politic an tuah tikah teihnak an hmuh. Cucu CNLD nih an I lak ve I politic an tuah ve.

National Politic maw, Party Politic dah kan tuah ti hi theih an hau? Hihi Chin miphun le Lautu Miphun nih zong kan I lak ve ding asi maw? Kan I lak ve ding an si ko nan ti ahcun nangmah nawl asi ko. Nain vote hi midang caah rak hmang hrimhrim lai ci, miphun dang nih a kan nek sual lai hi. NLD nih 2020- 2025 cu cozah an ser ko lai nain Kan ram cia le kan vawlei cia ah tiin kan sawm hna Saya Rung Kaw Le Salai Dokhar vote dingah Lautu Miphun vialte.

Politic cu power icuh asi ti zong hi rak philh hrimhrim hlah u, Party Politic pawl cu an ra lai I, tiva a um lo nak hmunhma zongah hlei kan dawn piak hna lai tiin an chim kho te ko lai cucaah rak zum hrimhrim hna hla u. Van cung in a zuang mi vate hman khi tlai piak ding in a chim kho mi an asi ko lai. Power duh ahcun kan ngeih lo mi covo zong kha kan lak piak hna lai an ti ko hna lai.

Politic pei asi cu ti kha nan rak theih piak hna lai. Cucaah Personal decision zongah Lautu miphun cu unau kan si caah na unau pa kha Power rak pe hrimhrim ko ulaw ti kan duh hna. NLD cu timhmi pahnih aa ngeih mi asi I pakhat nak ahcun Democracy, Federal asi, a pahni nak ahcun (Development) alam kip in thachonnak hi asi ko. Cucaah Politic kan lut lai nan ti ahcun Power alak kho dingmi le Notional wide in akal kho dingmi ah rak um u ti hi kan duh piak hna. Credit: ChawChel Hlei Cung.

Relchih: US election cu Ni 4 te lawng aa duh cang. Ahodah a tei lai timi an dirhmun ka von langhter tthan hnik lai. Ka bia sau pah ko sehlaw, keihi vote ngei ning law, Trump ka vote ko lai. Zeicatiah, Conservative ka si. Canada 🇨🇦 zong ahhin Conservative peng ka vote ko rih. Asinain a tu ka ttialmi hi dirpinak lei catial siloin, an dirhmun cuaithlainak te sawh ka von thai. US President thimnak ahhin kan zoh ciomi cu “Swing states” hi an si. The Guardian nih atu minutes tlawmpal ah an update ning ahcun “Swing State” a simi Florida ah Bidden nih 1.9 in a tei rih.

Pennsylvania ah 5.7 bak in a tei. Machigan, Arizona, North Carolina tbk ah Bidden nih a tei viar i Ohio lawng ah 0.8 in Trump nih a tei. Atu an dirhmun tein a kal ko ahcun Bidden nih landslide in a tei lai tinak a si. Nain poll cu 2016 zong ah aa palh caah 2020 zong ah aa palh kho rih. Tutan ah Trump a tlaknak bik cu, Pandemic a handle ning cung ahhin a si ko. Thal mei kangh in Vawleipi a kang viartu “Coronavirus’ control nak ahhin Global Leadership a la kho lo. Amah zong aa veng kho lo tiah sual an puh hi a fak tuk.Trump hi a “Racist” tuk tiah an puhmi cung ah a Racist bak ko timi hi mizapi thinlung ah a ngan chin lengmang. Cucaah, Race issue ahhin fak tuk in a tla rih. Kawlram caah ahodah a ttha deuh lai? Myanmar Ram caahcun Bidden hi tling sehlaw a ttha bak lai tiah ka hmuh. Pi Suh he nainiam deuh in rian an ttuan kho lai. Credit: Zasang Cinzah

Be the first to comment

Leave a Reply

Your email address will not be published.


*