LAKSAWNG CU KA COHLANG LAI LO EEE: PI VAN BAWI HNEM

Pi Van Bawi Hnem hi uar a rak umtuk hringhran, A biachim mi hrimhrim vun theih tikah upat tlak nusalttha taktak a sinak alangh pin ah, zumtu ttha taktak a sinak zong fiangtein theih le hmuh khawh asi. Pi Van Bawi Hnem cu kan theih dih bangin a cinthlakmi Aithing cu Hakha Peng Sipin nawlngeitu hna nih an tleihpiak pin ah an rialpiak dih.

Hi atonmi konghe pehtlaiin ramchung ramleng a ummi Laimi vialte nih aphunphun in hnemhnak bia an chim i, an tuarpi cio dih. Cun dawtnak le zawnruahnak angeimi hna nih laksawng pek zong an timh cuahmah hna. Hi laksawng konghe pehtlaiin Pi Van Bawi Hnem nih a chimmi cu thlatu rak campiak ko ulaw, laksawng cu ka cohlang lo e tiah a chim.

Rev. F. Za Thang le Pi Van Bawi Hnem an i chawnhnak a ning tein a tanglei ah copy & paste ka tuah. Pi Van Bawi Hnem sungh zawtlak mi tuarpinak caah bawmhnak leet, Dawtmi hawikom dihlak, Amah pumpak he kan i chawnh tik ah nan ka dawt i nan ka tuarpinak cungah kaa lawm tuk. Hmailei tuan kawl khawhnak ca tu ah thla ka campiak u law laksawng cu ka cohlang lai lo a ti caah ka sin i tangka a kua cangmi zong nan sin phakter than (or) lailei nan chungkhat sin ah pek khawh kaa zuam lai.

Nan dihlak cungah kaa lawm. Bawipa nih nan cungah thluachuah in pe cio ko hna seh. F. Za Thang, Hakha. Hawi dawt vialte hna, Kan farnu Pi Van Bawi Hnem a ngaihchiatnak nan tuarpinak cungah le kutsamhpiak ding ah nan i timh ciomi cung kan i lawm cio. Bawipa tu nih dawtnak lungthin nan ngeihmi in hmuhpiak cio ko hna seh. Amah kan naunu le chungkhar zong thluachuah pe ko hna seh.Aahmungpa

Relchih a duhmi caah:A ho hmanh ttanh hlei ka ngei lo. Sipin pawl si hna seh, aithing rial piak a tongmi nu siseh, pumpaak in ka theihmi an si lo. A aithing an rial piakmi nu, interview an tuahmi ka zoh. Ka zaangfaak tuk. GoFundMe an tuah piakmi ah kan mah-le sikhawh tawk in kan kut samh piak cio hraam hna usih.

Asinain thil pakhatkhat kong (issue) a um tikah, Laimi cheukhat kan i ttanh ningcang hi ruah deuh cu a hau. Cozah upadi tang ahcun ‘upadi ka thei lo (I didn’t know the law)’ ti a ngah lo.US zongah asi ko. Ralzaam ka si le, upadi ka theih lo caah asi, ti a ngah bak lo. Upadi he ai kalh in an tuah sualmi um ahcun, anmah he ai tlaak ning hoih le an buarmi upadi hoih in ai tlaak ningin dantat an si ko. Atulio dirhmun ah kan Lairam khi biatak deuh in ai sersiamnak ding ahcun: (i) cathiam {mifim thiam} tam deuh um a herh (ii) eihmuarnak doh a herh {mipi he cozah rianttuan he an dohtti hau} (iii) law enforcement an tthawn hau. Credit: Salai Van Dawt Ceu

Be the first to comment

Leave a Reply

Your email address will not be published.


*