LAITLANG CHINRAM VOTE ATLAUMI ZAT AN LANGHTER CANG HIH

November 8 ah tuah mi 2020 kum Myanmar ram party tling democracy thimnak ah Chin Ramkulh chung in mee a tlau mi dihlak mee 254 a um i 2015 kum thimnak i Ramkulh Hluttaw mee hmun pakhat lawng ah a tlau mi nakin a tlawm deuh tiah theih a si. 2015 kum thimnak lio ah mee a tlau mi dihlak 1,163 a um i,

Hi chung ah Ramkulh Hluttaw mee hmun pakhat lawng ah mee 490 a tlau tiah Chin State Election Commission zung Secretary Pu Lin Kyaw sin in kan theih. Mee a tlau mi kong he pehtlai in Pu Lin Kyaw nih, “Mee tlau mi ti tik ah, meekuang hngak le Commission zung lei nih ningcang loin tuah mi a si lo. Mee a tlau mi hi a tam deuh cu, hlankan mee thlak mi chung in a si i,

Hi chung ah ramchung hlankan mee a thla mi chung in a si. Pyithu Hluttaw ah thlak ding a si ko mi zong khi Ramkulh Hluttaw meekuang ah a thla mi an um. Cu ve bantuk in Ramkulh Hluttaw meekuang ah thlak ding zong Amyotha Hluttaw meekuang ah a thla mi an um. Cun, mee thlak ni a ni tak zong ah a tlau mi a um.

Hihi cu, minung tam tuk ruang ah mee lethmat chuahpiak a si ko nain mee thla loin a kir than mi zong an um ve,” tiah The Hakha Post ah a chim. 2015 kum Myanmar ram party tling democracy thimnak ah Chin Ramkulh chung in mee a tlau mi Pyithu Hluttaw mee hmun ah 331, Ramkulh Hluttaw mee hmun ah 490 le

Amyotha Hluttaw mee hmun ah 336 a si.Tutan thimnak ahhin mee a tlau mi Ramkulh Hluttaw No. 1 le 2 ah 102, Pyithu Hluttaw mee hmun ah 90 le Amyotha Hluttaw mee hmun ah 62 a si tiah kan theih. Credit. The Hakha Post.

Be the first to comment

Leave a Reply

Your email address will not be published.


*