LAIRAM CHAWDAWR VIALTE SIN AH ZAANGFAH HALNAK BY SANG HRE

Lai Ram Chawdawr Vialte Sin ah Zaangfah Halnak:Kan duhlo bu tein kan Lai ram zong ah kan hrial kho ve ti lo. Coronavirus nih a kan phak ve ko cang. Hi caanhar chung ah hin kan i bawmh chanh cio a hau cang. A hlei in eidin le tirawl a zuarmi dawr ngei cu kan in herh bik hna caan a si cang. Miphun ca le Pathian caah nan i pekchanh bik caan a hung si cang.

Naite Wuhan khuapi nih pul rai (Covid-19) an ton lio ah The Root and Foot Christian Church (RCFF) cu thih nun ruat lo in an ram caah an dir. Hi coronavirus a puah in a puahnak (outbreak center) bak i a ummi Khrihfabu an si.An pastor pa cu Rev. Hung lei a si. Zumlotu tampi an khamh hna, tihnak le phannak in a khatmi hna sin ah Jesuh Khrih pekmi diahnak in an hna an ngamter hna.

RFCC member cheukhat zong faak ngai in an zaw ve, a thimi zong an um len ve, nain anmah nakin a cei deuhmi mizaw hna sinah nifate Khrihfabu nih ti le rawl, mask, sanitizing supplies le an herhmi thilri an phawtzamh peng hna. Cu hna riantuannak mivialte nih an hmuh tikah, Khrihfa hremtu palik bawizik tiang nih “Kan khuapi Wuhan caah Pathian sin thlacam kan herh,” tiah a zapi theih in a au phah.

Kan herh tuk mi thil 2 te cu Pakhatnak. Cucaah kannih zong kan dir ve a hau cang. Nan thil ngeihmi kha minung pakhat hnih sin ah tampi in zuar lo in facang tun 1, chiti cuai 1, kala-pe cuai 1 tibantuk in u ting nauzo tein zuarh kho hna u law tiah kan nawl hna.

Pahnihnak. Thil man hi kai hrimhrim hlah u tiah kan nawl ko hna. Bawipa nih a let in an cham than ko hna lai. Har caan i midang nunhrawmh tluk in a sunglawimi rian a um ti lo. Cucu kan Cathiang bia a si ko! Pathian bia hrimhrim a si.Bawipa nih kan umpi ko seh. Credit:Sanghre