LAIPA NIH FIANG TAKTAK IN A RIAN TTUAN HAWI A TTHUAT CANG HNA

Cozah zung ah rianttuan ai thawh ko rih mi ka rianttuan hawi hna, Mipi nih nilin khuaal lakah sandah an piah i an thlanhripi luangin an tem tuar lio ah na rianttuan lo kha a har tuk maw? A ngaingai te tiah cun ralkap cozah chia a kai hnu in a cozah zungah rian biapi hlapa ngai in ttuan awk pakhat hmanh a um lo ti cu nan theih kan theih cio mi a si. Cuti siah zungah zei rian dah nan ttuan kun in ti hna usihlaw CDM tuah mi cazin tuah le mipi harnak a petu ding rian nan ttuan mi dah ti lo zei rian hmanh ttuan awk le tuah awk a um lo ti cu nan theih kan theih kha si ko.

Cucaah tu lio ah hin mipi caah (khi tiang na ruah khawh lo hmanh ah na chungkhar le nangmah pumpak ca hrimhrim ah) na tuah khawh kan tuah khawh mi cu CDM tuah hi a si. Kaphnih thil lawng a um. Kapkhat cu ralkap lei ttan a si i kapkhat cu mipi lei ttan a si. Mipi lei na ttan ahcun CDM tuah, ralkap cozah chia na dirkamh ahcun zung kai. Kha hlei thil dang thim ding a um lo. VK, Vuanthok, MoE, Naypyitaw.

Nizan Ah Achimmi Cu: CDM Tuah lo Vuantthan sin biariah, Ralkap cozah chia nan duh maw tiah in hal hna usihlaw ka duh ko a ti ding nan um lai ka zum lo. Sicun zeiruangah zung nan kai rih kun vun in ti hna usihlaw nan kan leh ding mi cu ‘hi rian te hi heih kan nunnak kan rawlkheng a si cu zei cozah a kai hmanh ah ttha tein rian a ttuan ding kan si cu kan lungchung cun kan duh tuk ko nain fale le chungkhar kan ngeih caah a si cu’ tibantuk phun tam lengluang nan kan leh cio lai ti khi ruahdamh khawh a si.

Keimah hi vuantthan a ttuan ve mi ka si i chungkhar a ngei i an fapa dawt taktak ka si. Cucaah nan dirhmun kan dirhmun a fiang taktak ve mi a chung minung ka si. Ralkap cozah chia dohnak dingah a ttha bik mi lam le a hluhchuah dingmi rian cu CDM a si ti cu nan i fian kan i fian cio mi a si. Cuti nan i fian cuahmah ko buah ziah hen na zunglei an panh khawh rih? Ralkap cozah thapek in a kuttang ah ziah rianttuan kal nai thawh rih?

Tuhi mipi caah kan lu kan phum caan a si cang lo maw? Ka hawi na tlai sual lai. Caan ttha na ngeih lio ah mipi leiah dir in CDM rak tuah ve hrimhrim mu. CDM tuah lo mi minung zawn kan i ruah piak lo ruangah siloin ralkap cozah a nunnak tihna a si tiah nan theih kan theih mi an ti hna chah rak kan bawmh ve hrimhrim seh ti kan in duh caah a si.

Tihna chah na kan bawmh duhnak dingah sawmnak nawl le aukhuanhnak nawl (covo) kan ngei i kan chim mi zeirel lonak nawl (covo) na ngei ve. Tu lio caan ah karlak minung kan um lo, zeilei na ttan lai? Na duh i thim. Zung na kai cun ralkap lei ttang na si i na kai lo cun mipi lei ttang na si., cucu biafiang khirkher te a si. Credit: Salai Van Kung.

Be the first to comment

Leave a Reply

Your email address will not be published.


*