LAINU BIAZAI TTIALTHIAM NU SUNG HRANGTLUNG NIH NAWLNAK ATUAH

Caan Na Ngeih Cun A Dongh Tiang Ka Relpiak Ta Law. Minung ka si ve bantukin, comment dawh lo tete “na hrut tuk, mihrut, arnu, dawh lo, nai fimter, nai thiam ter, na peuh tuk, na hngal tuk” timi tete ka hmuh tikah caan tlawmpal cu ka thin a hung tawn ve, mah tikah mah pawl kha biafak in kan lehmi hna a um ve sual si cun rak ka ngaithiam uh tiah zaangfah kan nawl hna.

Holh dawh lo le biachia comment cu a um ve awk a si ko, ka theihthiam ko nain keimah nih kan lehmi hna nih nan lung a fahter cun ka ngaithiam hram hram ko u mu. Keimah le ka si khawh tawkin midang caah ṭha seh tiin kaa zuammi te khi a si. Ka caan pek tein video zong ka ser hna, keimah hi ka fim ka thiam bik ka ti caah le ka tling ka ti caah ka chim le ka ṭial siloin palhnak tampi a rak tuah bal vemi keimah nih nun cawnnak caah siaherhnak te he ka vun thlah tawn.

Keicu capo chim thiammi ka si lo, keimah tu hi minuam cu ka si, nih a zuammi a panh lau mi ka si tikah nihnak tete khi ka vun thlah tawn, cucaah capo awsaw in a um tiin nan ka ruahpiak lo ding ka duh. Ka luan sualmi tete le fak deuh in nan lung khan loin kan lehmi hna um cun ka ruat thiam hram uh. Mi zapi lung ton dih cu a har tuk ve caah nan lung khan a si lomi ka ṭial zongah theihthiamnak tehe kan nawl ko hna.

Nunu cu bia a chim tikah siseh, ca a ṭial tikah Pathian duhmi biafang a hmang maw hmang lo ti khi a zoh ta peng, a zoh fel lonak a um si cun chatbox tein nun chimh khawh a si peng ko, cucu a duhmi zong a si tiin ka theithiam hram ko uh mu. Kaa lawm tuk. Nan ka dawtnak a tam hringhran ko.

Nu ṭheo cu kan lung a tluan lo lio hna ah comment chia kan hmuh cun, el loin kan um khawh lo caan a tampi i, ka sinin biafak deuh nan in khawh lomi ka chim nak um ahcun ka ngaithiam uh tiah zaangfah kan nawl ko hna, atu ca he hmailei ca he, Upatnak he. Nusung Hrangtlung. Laknak Nusung Hrangtlung Lenhmun

Be the first to comment

Leave a Reply

Your email address will not be published.


*