LAIMI VIALTE THEIH IN PU ZOBAWI THILTUAH CU A PHUAN CIKCEK KO CANG HIH

Kum 2015, NLD nih cozah sinak an tlaih hnu ah online ah Pu Zobawi nih ramdang a ummi kan fale Laimi vialte Hakha um a duhmi duh mi hna cu Inn hmun kan in pek hna lai tiah a rak chim. Cu thawngpang kan theih cun Aizawl kan nu le kan pa hna nih cubantuk hna a um a si ahcun tiah Chin Relief Committee rak dirh a si. Cu ahcun kei zong chungtel ah ka um ve.

Cuticun kum 2016 ah Pu Zo Bawi le Isak Khen kan rak ton hna. Cucu February 2-23 ah tonnak cu a si. Aa kan timi cu a tthatuk raktlung uh, asinain kan ram cu that aa timh lawng asi rih caah, nanmah tein rak tlung ulaw a tlungmi kongtu cu thawng rak kan thanh uh tiah aa kan ti. Cuticun a tlungmi kan konglam Pu Zobawi te kan theihter lengmang hna i, minung 1300 hrawng kan rak tlung.

Asinain tutiangah Laimi caah ruahnak an rak ngeih lomi kha a hung lang. Zeidah nan lawh timi thawngpang hal zong kan tong bal lo. Kan rak tlun zongah Mizoram cozah nih a si khawh chungin akan buaipi i, chungkhar pali hna zong Tio tiang motor in an rak thlah hna. Cun keimah telh chungkhar pali hna cu cozah nih sunglawi ngai le siang lo ngaiin an rak kan thlah.

Hi zawn ah pakhat chim ka duh tthan mi cu Delhi in siseh, Aizawl in siseh Malaysia in siseh Chin cozah voikhat kan ton hna ahhin minung pakhat ah tingthum lengmang aa kan rawnh. Cu tangah cu Malay lei nih an thawh caan a um i, Aizawl lei nih thawh caan aum i, Delhi lei nih an thawh caan a um tawn. Cuticun kumkhat hnu kumkhat, nikum tiang kha rak tlun lengmang asi.

Aizawl lei cun asi khawh lo caah nangmah nih ttavuan rak la ko an ka ti i, a rak tlungmi cazin cu ka lak i, Pu Zobawi sin ah ka thanh tawn. Caan a vunkal i, nizan tihni ti awk ah Hakha Sipin nih zeitindah nizan tihni arak phan mi cu Inn hmun kan in pek khawh hna lai? Kum 20 kum 30 a um cangmi mi inn dang ah a ummi hmanh kan pek khawh hna lo lio ah tiah Sipin nih a kan chimh ahcun hnabei dongin kan um ko.

Tlun kalnak aa kan bawmtu hna zong nih kanmah santleih lo ruangah akan ruah tawn. Asinain cozah lei santleih lo ruang tu asi. Pu Zobawi nih a seihkuzin tu Laimi vialte a rak kan chimhmi a rak si. Amah sahduhthah kha NLD cozah bantuk in arak kalpi. Ramthumnak aphan kho lomi kan caah cun Hakha ah hin zeihmanh timhpiak mi pakhat hmanh a um lo. Timhtuahnak hmanh rak kan ngeih hna hmanhselaw, arak kirmi kan caah cun inn hmun man hi ting 150 ting 50 asi caah kan caw kho lai lo.

Hakha ah a ummi hi minung zanga in zasarih karlak hrawng kan si lai tiah kan ruah. Tthenkhat innkip ah thil an zuar hna i, tthenkhat cu lamkam ah mehhang tete an zuar hna. Cun tthenkhat cu Meihol a rawmi zong an um hna. Aphunphun ei hi kan dap cio hna i, kan harsa ngaingai ko hna. Arak kirmi hna kan harsat ning cu puicimh lio bantuk kha kan si ko. Minih kan harsatnak an thei kho lo.

Kan sining konghe pehtlaiin Chin NLD cozah nih voikhat te zong aa kan ceihpiak mi a um lo. Vawlei cung laimi vialte hi Chin cozah nih an seihkuzin an rak kan chimh i, an rak kan hlen dih ko rua. Cabia in vun ttial ahcun palh sualmi a tamtuk lai caah acunglei ttialmi chungah palhsualmi cungah ngeihthiam kan in hal chih hna i, amah hmurka in a chimmi video tuin tlamtling tein ngeih chih khawh asi. Video zoh a duhmi nih hika hi voikhat in hmat law ngeih khawh asi

Be the first to comment

Leave a Reply

Your email address will not be published.


*