LAIMI NIH KAN I BOCHAN TAKTAK MI PAHNIH ZONG AN LUNGDONG KO CANG

Sang Hre:Trump pennak a dih cang lai. Vawilei pi nih America ram a zawt tuk kha an i fiang chin thluahmah cang. America cu thilpuan ai hruk lo mi siangpahrang (emperor with no clothes) bantuk dirhmun a si kha an i fiang chin chin cang. Vice President hlun dirhmun in President dirhmun ah a kai ding mi Biden le Australia cu tha tein peihtleihnak an ngei kho cang lai. Aluancia ni 45 chung cu Australia Cozah nih Trump nih Middle East hrawng daihnak a tuah mi pawl cungah pakhat hmanh thangthat nak an pe duh lo”.

Salai Van D Ceu:Fawi tein Pathian nih mi a cawisaan lo bantukin, fawi tein mi a thla hna lo. Aruang um zungzaal. Trump cu Pathian nih a cawisaan caah kum 2016 lio ah teinak a peek ii, US president dirhmun tiang a phaak ter, tiah ka zumh. Asinain, Trump cu US tuanbia ah zawnruahnak, dawtnak le zaangfahnak a ngei lo bikmi US president ah ai chuah diam.

Cucu kumli chung a rianttuannak, a lungput le a kalpimi policy ah fiang tein a lang. A hmur-ka in cun Khrihfa ti cu, a chim ve ko nain: a tuahsernak, a lungput le a kalpimi policy zoh tikah Khrihfa sinak nunzia (Christian value) he aa ralkah tuk in a nungmi asi, an ti ca-ah amah party asimi Republican lei tampi nih an kaltaak, hnu an chit ii, Joe Biden an vote nak asi.

Atu cu Pathian nih US president ca-ah midang a thim cang. January 20th in Joe Biden cu 46th US president tthutdan ah a tthu cang lai. Vawlei siangpahrang tthawngtthawng hna le ramhruaitu tthawngtthawng hna: an tthutden vialte khi, Pathian kut ah a ummi asi. Pathian nih a hlenh chommi hna lawngte an si. A duhmi poah kha, a tthut ter hna ii, a duhmi poah kha a tthumh ko hna. Pathian nih Donald Trump cu kum 2016 ah US president tthudan a pek. Asinain, kum 2020 ah a chuh tthan. Pathian nih a thlaak cangmi hna cu: minung nih cawisaan khawh asi ti lo bantukin, Pathian nih a cawisaan cangmi hna cu, minung nih thlaak khawh asi ti lo.

Dr Aung Myint Thang: Trump Maw Attha Deuh Biden: Pakhatnak, Trump cu China a lor nakhngalo caah a ttha. China le Iran nih an ttih ngai. Pahnihnak, Trump nih a uk chung ah USA i Muslim a peem mi an zor ngai.Pathumnak, Trump nih a uk chung ahcun USA ah phung ning in a lutmi an si ngawt.Palinak, Trump nih a uk chung ahcun USA ah terrorist cawlcangnak a zor ngaingai.

Panganak. Trump nih a uk chung ahcun ram dang i a ummi Muslim ralhrang pawl (Alshabab, Bokoharam, al Qaida, ISIS) ral a dai ngai. Paruknak, Trump nih a uk chung ahcun Kim Jong Il zong nih a hriamnaam hneksak a tthinh deuh ngai. Pasarihnak, Trump nih a uk chung ah USA nih tukmi ram a ngei lo. Ral a dai ngai. Abikin Israel caah a ttha.

Pakhatnak. Joe Bidden nih cun COVID-19 hi Trump nakcun controll khawh deuh dawh asi.Pahnihnak. Joe Bidden nihcun ram dang minung (refugees) tam deuh in laak dawh asi. Malaysia a tangmi Kawlrammi ca zongah ruahchannak a tam deuh. Pathumnak. Trump nihcun Myanmar hi a thei lo. Myanmar kong ah ai tel lo. Cucaah Myanmar cu China lei ah a mer deuh cang.

Joe Bidden nihcun Myanmar kong ah ai tel deuh lai. Palinak, Joe Bidden nih a uk ahcun USA le WHO (Vawlei cung ngandamnak bu) he ipehtlaihnak hi a fek tthan men lai. Panganak. Joe Bidden nih a uk ahcun USA le UK leader pawl an i pehtlaih ning a ttha chinchin kho. UK nih Trump hi an rem tuk lo. Nanmah tein cuai i thlai ko ne uh.

Be the first to comment

Leave a Reply

Your email address will not be published.


*