LAIMI KANPA THILTUAH CU A SUNGLAWI HRINGHRAN, LAWMHNAK IN NAN KHAT CIO LAI

Laimi kanpa thiltuah cu a sunglawi taktak khi a si ko, Bawipa nih aletza in thluachuahnak pe chin ko seh. Laimi kanpa a simi Bishop Dr. CK No Chhum nih Hakha CDM ah aa tel mi hna dinti le VeVe Ks. 650,000 man bawmh. 22-2-2021, Believers Church, Myanmar hruaitu Bishop Dr. CK No Chhum nih Hakha ah CDM cawlcanghnak in lam a zawh mi hna dinti le VeVe Ks. 650,000 man a bawmh hna, tiah kan theih.

Hi kong he pehtlai in Hakha Station Believers Church in Bishop Dr. R. Mang Hre nih, “Hi bawmhnak hi Yangon lei in kan pubik a si mi Bishop Dr. CK No Chhum nih lamzawh mi hna an tihal in an baa lai tiah VeVe box 100 (Dur 2400 hrawng le dinti boxes tampi) kha rak bawm hna u, a kan ti. Amah pumpak nih bawmh mi a si. Kanmah Station Believers Church Mino zong nih dinti le VeVe sing 1 le cheu man hrawng an rak bawmh cang hna. CDM cawlcanghnak ah hin kan dihlak kan i tel a hau.

Ramkheel lei lawng ah ruat loin ram a that nakhnga Biaknaklei upa zong kan i tel a herh,” tiah The Hakha Times ah a chim. Bishop Dr. CK No Chhum nih hin Yangon lei lamzawhtu hna ca ah Laichi boxes 2000, a voi hnihnak ah arsa le changreu 1000, Kanpetlet lei minung 250 ca ah chuncaw le Thantlang lamzawhtu hna ca ah VeVe boxes tampi a rak bawmh bal cang hna, tiah kan theih. Chirhchan: The Hakha Times

Pu Ngun San Aung Kong Achimmi:Tennis Ceulian Nih Pu Ngun San Aung Konghi ti tuk hlah uh. Chinram kulh Chief Minister caah atha bik cu Pu Ngun San Aung hi a si. Kawlralkap cu CDM nih nan tei hna zong ah Chinram kulh Chief Minister caah atha bik cu Pu Ngun San Aung hi a si. Middle school ka Kai lio in an hram in a ttang mi kha si I Pu Ngun San Aung hi Chinmi zapi a kan daw khotu le Chinmi zapi a kan control kho tu cu amah lawng asi.

Chinram kulh CM Chief Minister cu, tuan ko seh. Cun pyine hmu vial te zoh dih hna uh Chin State phaisa an fir dih I inn hmun pawl an zuar dih. Culawng siloin penson an lak in zei bang cun ngapih thu lak ah Rangoon maw Kalay ah wngapih thu lak ah an fa le zong chin holh an thiam ti lo I ngapih an cang dih maw a tu lio caantha hmemh ah independent/federal lak awk caan tha zong kan sung hih.

A mah Pu Ngun San Aung lawng pei Chin ram Chin State a daw bik le Chin State ah a um beh mi asi ko cu, CDM nih nan tei zong ah a mah hi Chinram kulh Chief Minister caah atha bik a si i, zakhat ah zakhat in Chinram kulh Chief Minister rian cu Pu Ngun San Aung nih tuan ko seh. Tiah a cunglei langhtermi Tennis Ceulian nih laimi tampi kan umnak hmun a simi social online group pakhat ah a thlah.

Tennis Ceulian nih a cunglei alanghtermi cabia hi a rel a har deuh caah zapi kan i fiannak dingah aa remnak in vun remh mi asi. Cun hi konghe pehtlaiin a mah catialtu nih a ttialning le a chim ning tein kan vun langhter tthan lai. Aruang cu a cunglei ah kan chimcia bangin a cabia ttialmi kha zapi nih kan theih ahar deuh lai caah kan vun remhmi asi i, amah catialtu nih alanghter ning bangin atanglei ah hin kan vun langhter tthan.

Pu ngun San Aung hi ti tuk lah uh. Chin Ms ca ah atha bik cu Pu ngun San Aung hi si ralkap cu cdm nih nan thei zong ah chin Ms ah atha bik si.Middle school ka Kai lio in an hram in a tang mi kha si I Pu ngun San Aung hi chin mi za pi a kan daw kho tu le chin mi za pi a kan control kho tu si tuan ko seh.Cun phine hmu vial te zoh dih hna uh chin state phaisa an fir dih I inn hmun pawl an zuar dih I pensen an lak in zei bang cun ngapih thu lak ah,

rangoon ma kalay ah ma ngapih thu lah ah an fa le zong chin holh an thiam ti lo I ngapih an cang dih I a tu lio caan tha hmemh ah independent/federal lak awk caan tha zong kan sung hi.A mah lawng pei chin state a daw bik le chin state ah a um beh mi asi ko cu cdm nih nan thei zong ah a mah hi chin ms ah atha bik si za long te in tuan ko seh. Credit: Tennis Ceulian

Be the first to comment

Leave a Reply

Your email address will not be published.


*