LAI PASALTTHA LAWNGTE CDM AH AN LUT. MIN AUNG HLAING PENNAK ADIH LAI

Min Aung Hlaing tuahsernak cu a dong thluahmah cang lai timi fiangtein a lang cang. Min Aung Hlaing cozah adir khawhnak dingah abiapi taktak mi cu Kawlralkap le Kawlram palek hna hi an si. Cun Apa thumnak cozah rianttuan tu hna hi an si. Hi chung hmanh ah abiapi taktak mi cu Kawlram palek hna hi an si. Kawlram palek hna hi tulio ah biatak tein hmaisuang an si.

Tutan buainak ah hin Kawlralkap cu an cawlcangtuk lo ti khawh asi. Abiapi bik mi Palek pawl hi an si ko. Hmunkip kaakip cawlcanghnak vun zoh tikah ralkap nak in Palek pawl hi biapi ngaingai in a cawlcangmi an si. Cun mah umnak hmun cio ah abiapi tthan ngaingai mi cu cozah riantuantu hna hi an si. Hi pathum hna hi Min Aung Hlaing cozah caah abiapi mi cu an si ko.

Asinain Min Aung Hlaing cozah cu atlu colh ko cang timi ruahchannak nganpi a um cang. Aruang cu Kawlram cozah riantuantu hna cu nikhat hnu nikhat in CDM ah an lut thluahmah cang. Culawng siloin nikhat hnu nikhat in Kawlram palek zong CDM ah an lut thluahmah cang tiah thawngthanhnak an tuah lulh malh cang hna. Hmundang cu chim rih lo in Laitlang Chinram chung zongah CDM alutmi an karhtuk cang.

Min Aung Hlaing cozah nih abiapi taktak in ahmanmi Kawlram palek chungin tutan ah kanmah Laitlang Falam peng, Waibula khua in palek minung panga hna cu CDM ah an lut tthan tiah thawngtheih asi. Thantlang Hakha, hmunkip zongah Palek hna cu CDM an lut cuahmah cang. Min Aung Hlaing cozah hi adik hrimhrim lo timi an i fiang tuk cang. Hitining tein CDM ah an luh thluahmah ahcun Min Aung Hlaing pennak hi a dih ko lai ti khawh asi.

Tutan ah Falam peng Waibula palek CDM ah a lutmi hna cu Private Lal Nun Khawl le Private Van Thawng Ling, Cun Private Thang Nel Piang le Private No Ling Thang siseh Private Sau Mua Kim an si. Cozah rianttuantu tthenkhat zong CDM ah aa tellomi hna luhcaan a phan cang. Palek zong CDM ah alut rih lomi hna luh caan aphan cang. Min Aung Hlaing pennak hi arauh hlan ah kan tei ko lai. Credit: Saya Thang.

Alinsa ngaimi Thawngpang:CDM ah aa telmi Kawlram Palik India ah a zammi hna cu rak kan kua hna uh tiah ralkap nih ca an kuat hna. Nun himnak ruah ah India ah a zammi Kawlram palik hna cu Kawlram ah rak kan kua hna uh tiah Kawlralkap nih India sin ah halnak atuah hna tiah hruaitu pakhat nih a chim tiah Reuters thawngzamhnak nih a langhter. Pakhat le pakhat hawikom tha sinak le pehtlaihnak athatnak dingah rak kan chan uh tiah an ti.

Hi konghe pehtlaiin Mizoram State, Champhai District Deputy Commissioner asimi Maria C.T Zuali nih reuter thawngzamhnak ah a chimmi cu Kawlram palik arak zammi hna cu Chin State Falam District nawlngeitu pakhat nih rak kan kua hna uh tiah ca a rak ttialmi kan hmuh tiah a chim. Hi cakuat konghe pehtlaiin India cozah Home Ministry nawlpeknak kan hngak ko tiah a chim chih.

Hi konghe pehtlaiin Kawlram palek mizoram ah a tlizammi hna nih an chimmi cu, kan pu le nih lamzawhnak atuahtu hna kha meithal in kap hna uh akan ti. Sualnak ngeilo mipi vun kah hna ding cu kan ruah khawh lo caah kan rak zam tiah an chim. Nun him ruah ah Kawlram palik le chungkhar Mizoram ah a tlizam mi hna hi minung sawmthum hrawnghrang an si tiah theih asi.

Mah kong thiamthiam he pehtlaiin VOA nih a chim langhtermi ahcun CDM ah aa telmi kawlram palek hi minung zeimawzat an si ko. Tutan hi ramdang ah an tlikzam a voikhatnak asi tiah an chim. Falam nawlngeitu nih Champhai DC ah cakuat attialmi ah hin minung pariat an min zong an langhter, anmah hi kum 22 in kum 25 karlak lawngte an si hna.

Kawlram buainak ruangah kan Miphun hawi arak zammi an um asi ahcun thatein kan zohkhanh hna lai tiah naite ah khan Mizoram Chief Minister Pu Zoramthang nih a rak chim cang. Tutan ah hi bantukin nawlnak an tuah tikah Mizoram cozah nih kawlram ah hin palik a zammi hna hi akua taktak hna lai zumh a um lo. Aruang cu Mizoram cozah nih thatein thanhnak an tuah cangmi asi.

Be the first to comment

Leave a Reply

Your email address will not be published.


*