LAI HLUM KA CHUNG LE ZONG NIH CNLD AN VOTE DIH FAWN LAI

Miphun pakhat sinak ahcun Kawl le Tlangcungmi kan i tluk ko. Miphun pakhat veve kan si ko. Kawl kha a uak deuh in Chin kha a neu hlei loh. Kawl nihcun Tlangcungmi kha anmah nak niam deuh in an kan hmuh, uk caamciin an kan duh. Anmah kha Tlangmi nih va uk tu cu an pom kho loh, Tlangmi cu uk nuam ah an kan ruah.

NLD le Suu Kyi nih 2008 phunghrampi chungin Tlangmi nih kan duhmi federal rim a nammi tlawmpalte hmanh kha remh an duh loh. Hluttaw ah phunghrampi ahran remh awk an chuahpi mi ah Tlangmi nih an chuahpimi phunghram hna cu a cohlang loh, hnawmdur ah an peih. Kawl Miphun hna nih hin Tlangmi kan duhmi federal hi an duh taktak lo hlah maw ti hi a ka ruahter chinchin…Cucaah Tlangcung ah Tlangmi party a thawn lawng ah beiseinak tlawmte a um hnga.

Cusiloin NLD le Kawlrawn party nih Tlangmi herh loin acozah a tlaih khawh peng ahcun kan duhmi samfangtia upadi fate hmanh kan ser kho bal lai loh. Kei cu CNLD kha ka dirpi ko, Laihlum um ka chung le zong nih an vote fawn lai. Mah Miphun Chin Party kan dirpi lo ahcun Mirang pa, Vai pa le Kawl pa nihcun an mitsir hmanh in an zoh lai loh, an dirpi lai loh. Cucaah mah Miphun party kha vote ve ko. Credit: Chan Khar.

Relchih:Politics ah ka soisel hlah uh ti cu a um bal lo. Politics luh cang ahcun a pakhat nak cu policy,a pa hnih nak cu nunning ziaza.Ziaza a that lo ahcun zumh awk a tlak le tlak lo pumpak (personal attack) doh a herh cang.Tulio politics thlihran zoh tikah soisel (criticize) hi ka celh bak rih lo.Celh lo ruang i nangmah tah miphun caah zeidah na tuah khawh timi comments pawl hi ka nih chuak bik.

A ruang cu kawlram le chinram ah minung pathum te lawng i ukter i thanchonak kan tuah lai ti tiang lawng an cuanh khawh mi khi a si. Thanchonak cu mipi kan zate rian a si. Miphun dawtnak kong chim paoh ah kawl huat (racist) thlaici an tuh an ti.Kei cu miphun dawtnak kong ka tial ahcun lung tiang tein a si ko.

Huatnak biafang ka hman zong ka thei lo hih. Miphun kong chim poah ah Racist tiah a ruat mi a lungthin tu ahkhan racist asiloah chungthu lengnal hnawm a um caah a rak si deuh lai tiah ka ruah cang ko. An rian tuannak kong soisel ah le thangchiat an ti than.A dik lo mi cu soisel ding bak a si.Jesuh zong nih a dik lo mi cu “Mi depde hna, chungthu lengnal hna” tiah a soisel bak ko hna.

Dr. Ngun Cung Lian sinah kawl media nih interview an in tuah tikah ho mithmai zong na zoh lo mi hna hi a tha ngai ka ti. Mi mithmai zong ding ahcun an sal kan si lo.An rawl kan ei lo. Kan rawl kan ei.Kan chim duh mi poah cu chim awk a si ko lo maw a ka ti. Mithmai kan i zoh tuk nak ah lam tantim tiang lawng,lamtluan dongh pi tiang kan phan kho tawn lo. Politics luh cang ahcun soisel te hna cu tih ding zong a um lo.I fahsak ding um lo. A dik mi cu tanh ding, a dik lo tiah ruahmi cu soisel ding a si ko. Politics a lut mi nih ka soisel hlah uh ti cu ka theih bal lo mi a si. Credit: Salai Tin Maung Win

Be the first to comment

Leave a Reply

Your email address will not be published.


*