KIA RALBAWI NIH TULUK A HRO CANG, FIANG KOIN ATTHUAT HNA

Kachin mipi an um kho tilo, Tuluk ramchung ah duhlonak an langhter cang. Tuluk zong a thinhung ngaingai ti asi. Tuluk ramchung a simi kawlram he aa neihnak hmun ah Kachin mipi hna cu an lut i, duhlonak an langhter cang. Hibantuk in Kachin mipi hna nih duhlonak an tuahmi cungah Tuluk cozah cu a lung atling lo taktak tiah an langhter.

May be an image of 5 people and people standing

Hi konghe pehtlaiin Kachin ralkap bawi nih a timi cu kan mipi hna nih duhlonak an langhtermi cungah Tuluk cozah a lungtling lo tiah a chim. Culawng siloin KIA ralkap lutlai pakhat nih a ti tthan rih mi cu kan mipi pawl fahnak nan pek hna asi ahcun ramdang cozah zong kan phomh hna lai tiah a chim chih. Hi bia a chimnak aruang bik cu atanglei ruangah hin a si.

May be an image of 2 people, people standing and text that says "I 联 CHINA UNIC"

Tuluk ramchung ah duhlonak a langhtermi kachin mipi hna cu Tuluk ralkap pawl nih lamzawhnak tuah lo dingin an khap hna caah asi. Hi konghe pehtlaiin lamzawhnak atuahmi Kachin mipi hna nih an ti ve mi cu zalonnak kan hmuh hlan chung paoh cu kan au peng lai tiah an ti. Kachin mipi hna cu April 13 thok in Tuluk ramchung ah duhlonak an langhter.

May be an image of one or more people

Thawngpang dang:Kawlram Mandalay ramthen chung, Mukoh (Mogok) khuapi pawng ah KIA le Kawl ralhrang karlak raldohnak a chuak i Kawl ralhrang lei minung (10) an nunnak a liam tiah DVB nih a tarlangh.Nizaan April 12, zaan ah Mandalay ramthen Mukoh khuapi pawng te ah kahnak a chuah hi asi. Kawl ralhrang lei cu minung 10 an thih lawng si loin hliamtuar mi an tam taktak ti asi.

April 12, zaan in Mandalay ramthen chung a simi Mukoh khuapi pawng te ah kahnak a chuah hi a si i nihin tiang ah i kahnak thawng, meithal puah thawng le Bomb, Miakpi thawng pawl cu khuapi chung a um mi tiang nih an theih hi asi.Kawl ralhrang lei nih an si khawh chung in hriam ngan pawl an hman, an raltuk nak Bomb, Miakpi le hmunhla pi kahnak tiang in an hman len nain KIA lei nih minung 10 an thah hna pin ah ralhrang lei hliamtuar an tam taktak hi asi.

Nihin tiang ah Kawl ralkap nih KIA cu Kachin ram, Alaw Bum Sakhan ah an kah len rih hna, ni 4 chung Alaw Bum Sakhan cu ralkap nih vanlawng in an kah len nain an tei hna lo. KIA lei nih tampi an thah hna pin ah hliamtuar zong ralhrang lei tam ngai dawh an si fawn. Nihin tiang ah KIA cu Pathian nih a um pi hna, Ralkap lei nih an tei kho hrim hna lo, Ralkap lei tu a thi mi le hliamtuar an tam chinchin cang. Mandalay ramthen chung tiang ah an i phomh cu lung a hmui chin lengmang ko.

Be the first to comment

Leave a Reply

Your email address will not be published.


*