KHUAZA RAMKIP UM LAIMI NAN CUNGAH KAI LAWMTUK HRINGHRAN

Hello. Vawlei cung khuaza ramkip ummi nulepa ulenau hawi dawt vialte hna, nan dam cio hna maw? Nan sin ah lawmhnak bia tlawmpal te chim ta ka duh. Dawtu vialte hna nan thlacam piaknak thawngin kan hnuzarh ni hnih Ni ah ka mit (Eye) Operation cu a voikhatnak tlamtling tein kai lim.

Thlaza nan ka campiak mi siseh thaazaang nan kan pek mi siseh nan ka dawtnak Bawipa nih a philh lo. Keimah nih cun zeitik hmanh ah nan ka dawtnak hi kan cham kho hna lai lo. Kan Biakmi Kan Pathian kan Bawipa Jesuh Khrih nih nan rianttuan nan kawlhawlnak cio ah siseh nan khuasak nak cio ah thluachuah in pe cio ko hna seh.

Cun tlawmpalte ka vun chim tthan duh mi cu ka hngakchiat tein ka mit hi a rawk mi a si i, cun ka hmai khatlei hi ka taksa ai ton pah cang caah voikhat lawng tuah ah khan cun ka nunnak caah an thinphang i, mah ca cun duhsah tete in voikhat voihnih voithum tiang an ka timh i, atu voikhatnak ka tuah mi hi ka mittlang le ka mitkhua a hmu lomi ka mitnaang an ka huipiak.

A taang rih mi cu ka hmai le ka mitmu thawn ding, ka mit kha khua tthatein a hmuh khawhnak dingmi hi a tang rih mi a si i, nan umnak hmun cio i, thla nan cam tik ah nan thlacamnak ah rak ka bawm tthan cio rih ulaw, nan thlacamnak ah rak ka philh ulaw, a dih dongh tiang Bawipa nih damnak tling aka pek khawhnak hnga rak ka bawm tthan rih tiah kan nawl hna in kan cah duh fawn hna.

Pumpak nan dih lak cungah siseh, chungkhar cio nan cungah kai lawmtuk hringhran, Dawt awk atlak lomi ka si ko nain nan ka dawtnak ka hmuh tikah ka lawmhnak mitthli a luang zungzal ee, Ka lawmtuk hringhran tiin ka bia ka donghter rih. By Christy nuntha hnempar.