KHUABAWI PU TUM BIK KONGLAM A VUN LANGHTER CANG HIH

Sui Hlei Tial Ruak I, Tazekhan:Sui Hlei Tial ruak Thantlang khua chung luh pi duh lo in lamkam ah a vuitertu sullam um lo in zaan ah lak than i thlan ah thialtertu Tazekhan hi, hi Thantlang No 3 khuabawipa bak hi a si ti hi a um dan a bia chim bak in thei khawh a si. Khuabawi pakhat nih Sui Hlei tial ruak a rak tlung lio ti hi theih lo in a um hrimhrim la lo.

Cun COVID-19 Committee he zawng hi Sui Hlei Tial ruak kawngah hin an rak i chawn bia cia hrimhrim la cang cucaah Kawl pawl zawng an ral thatnak pakhat a si la. Amah zawng nih Ruak kawngah ka thei lo timi bia kaa khat hmanh a chim lo.Ahmur a muai le a ni sa lam ko zei te hmanh ah ruak hi a rel lo.

Khrihfa phung zawng a buarngamtu a ruah awk zawng a thiam lomi khuabawi kan ngeih hi cu kan buainak cu a ngan peng ko la.Khrihfami cu kan thih tikah Pathian bia Bible he Pastor nih thlan ah vui kan si.Ramkip ah Zawtnak dang siloin COVID-19 bak in a thi mi hmanh hi phunlam zulh in thlan ah pastor nih vui a si

A chim mi cu Thantlang himnak caah a ti kalaymyo ah mizo ram ah a thi mi zawng kan kham hna a ti anmah le hi Sui Hlei Tial ruak hi a tahchun. Hihi tahchun awk a si lo Annih cu Khua lam nai ah a thimi an si chung le khat khuami nih awl te in an ruak va zoh khawh va thlah khawh a si Pastor zawng nih Pathian bia he thlan ah thlah an si.

Hi Khuabawi hi zangfahnak zawnruahnak a ngei bak lo hawi lungfah ngaihchiat lio ah a Nii salam i a khabeh a muai ai lak ko, lungfahnak bia kakhat te hmanh a chim lo a zei te a poi lo, zei te hmanh ah lai mi kan buai hi a rel lo,Rel awk a theih lo bia dak a si hnga? Sui Hlei Tial kawngah lungfah a dih hlan ah, Hi Pa kawngah phundang in lung a fak than. Credit: Mang Za Nawl (CWM)

Be the first to comment

Leave a Reply

Your email address will not be published.


*