KHUA KIP AH MINUNG 12 CIO SALAI LUNGTHLITUM NIH AHARH

Lai pasalttha Salai Lung Thli Tum nih thawngpang ropui taktak mi thanhnak atuah cang. Salai Lung Thli Tum nih tuan ah thanhnak atuahmi hi tuchun ni tiangah mizei hmanh nih an tuah bal rih lomi asi. Hawi dang pawl nih cun an tuah tawn ve ko nain Salai Lung Thli Tum bantuk in atuah mi hi, Laimi chungah ahohmanh an um rih lo.

Thenkhat zuamcawhnak peihbuan ah aa cuhmi hna nih teinak Committee cu kan tuah tiah an chim tawn ve nain thimnak adih bak cun an lo dih. Asinain Salai Lungthlitum timh tuahnak cu chikhat calawng ah asi lo. Kumpi kum sawmli chung ca tiang a nguh dingmi thil asi. Salai Lung Thli Tum nih tutan ah thawngthanhnak atuah mi cu atanglei bantuk in a si.

Keimah meehmun khua kip ah teinak committee chungtel 12 cio ka herh, Thantlang Lungtial sang le Saihpiozii sang telh in. Hmailei kum 40 tiang keimah he naihniam ngai in ram le miphun caah rian kan tuanti hna lai. Pehtlaih nak ding 09752558135 tiah Salai Lung Thli Tum nih atimeline ah tawifiang taktak in alanghter.

Salai Lung Thli Tum nih thanhnak atuahmi hi kan chungkhar khat Laihlum ummi, Amah Salai Lung Thli Tum aa zuamnak hmun le hma a mee hmun asi mi hna nih cun pehtlaihnak tuah cio dingmi asi i, khuami zong pakhat le pakhat chim khawh cio i zuam hna usih. Salai Lung Thli Tum sin rianttuan aduhmi nih a cunglei phone ah khin pehtlaih khawh asi lai.

Relchih aduhmi caah: Nurse ka tuan chung ah harnak tampi ka tong nain kai harh cemmi Pakhat cu Na fanu, fapa, nu/pa a thaw a cat cang timi taan tak mi chungkhar thawngthanh khi a si. A luan cia mi kumkhat le cheu ahkhan zaan rian ka rak tuan bal. Zankhat cu ka zohkhenhmi ka mizaw pakhat cu zinglei nazi 1:30 hrawng ah zuun thawh ding ah a kan auh. Kei kha chikhat te inn leng ah ka thaw kai chuah lai ka ti bak a si.

Minutes 5 hmanh a rauh hlan ah an ka auh i ka van luh cu a thaw a cat thluahmah. A mah cu a thaw a dih ahcun chanh lo ding in min a thu cia mi a si i zeihmanh kan tuah piak kho lo. A ihkhun ah kan ih ter i oxygen kan pek ko nain mah ti cun caan a thaw a cat. A mah cu ka dam tuk cang hmaizarh cun na lawi cang lai an ka ti tiah a ka chimh i ai nuam tuk. A zuun thawh pah zong ahcun a mirh tuk ning a hmaipanh Ning le a thawn ning.

Mah cu min 5 ah a thaw a cat ko. A fanu hi zeitin dah phone ka chawnh lai i zeitin dah ka hnemh lai ti khua bak khi ka ruat. Ka celh lo.Keimah lawng sau lak khua ka ruah i Kai hnemh hnu ah, zinglei suimilam 2 ah a fanu cu lau lengmang in ka rak chawnh. A hnemh zia zong ka rak thiam lo. A min zong a tutiang Kai chinchiah peng ko. Nurse si hi a fawi lo awh. A caan ahcun Ngakchia nausem an chuah kan hmuh hna caan zong a um i upa an thih zong kan hmuh caan hna a um. Mah bantuk ahkhin kan khing a rit tuk tawn.

A kan theithiam lomi nih cun a caan i hnemh kan hauh i kan ngaihchiat caan ahkhin depressions ngei mi hna a kan ruah le nihsawhnak hna a kan hman tawn. Laimi nih hin depressions ngeih te hna khi zumhnak feh lo tuk ah kan ruah caah a si tawn rua. Kan sining kan ngaihchiatnak kan in chimh hna ahcun kan khing a rit tuk ti kan theih piak ulaw. Rak kan ngaih piak uh (empathy kan herh). Laknak: Katie Van Zi

Be the first to comment

Leave a Reply

Your email address will not be published.


*