KHAH RAMKHEL BIARALDOHNAK AN THOK CANG, LIVE VIDEO

Video atangbik ah kan vun chiah. Vawlei cung Laimi vialte nih kan i hngahhlang taktak mi biaraldohnak cu atuhi an thok cuahmah cang. Video zong kan vun thilchih. Ramkheel biaraldohnak hi cu hlan ah Laimi chungah tuah ballo mi thil asi caah anuam taktak dingmi asi. Tutan ah bia a chim dingmi hi Thantlang Hakha in candidates pawl hna an si. Video atangbik ah kan vun chiah.

Mah cabia hi vunrelta hmanh. Politically Correct Hi Kan Uar Peng Ko Lai Maw? Political correctness timi cu phungchim tu hna telh in politician pawl nih bia hman chim lem loin le helhum deuh in mi hnakhaw ngaih a nuammi bia lawng tamh muai in va chim le va lem khi a tawinak in kan ti ko lai. Donald Trump ka rak uar hmasa nak cu zeidang siloin Political correctness a doh caah a si.

2016 lio a voi (1) nak GOP debate an tuah lio ah Megyn Kelly nih Trump bia hal hmasa mi cu- Mi nih an in duhnak a ruang pakhat cu na lungthin um bak kha na chim.Political biafang na hmang lo.Nain na duh lo mi nu cu vokthau,fih nung saram tiah na ti tiah a hal.A hal mi dih hlan ah Trmp nih thuh pheh loin Rosie O’Donnell (Min thang nu ) lawng ka ti tiah a leh.

Cun midang a soiselnak kong zong kha hngol loin a hal chih. Trump nih a lehmi cu hi bantukin bia tamhmuai lawng hi politician pawl nih chim lawng an rianh tikah kan ram ah harnak tamtuk a chuahnak hi a si.Nan duh zong duh lo zongah a hman tiah ka ruahmi cu ka chim ko lai.Bia tamh muainak caan ka ngei lo a ti. A chim bantukin amah party i min thang zong, President hlun tiang a hrial hna lo.

Mipi tampi nih amah bia lila in rap nih a awh cang an ti.Media le politician pawl nih Donald Trump tlukin dohmi minung US tuanbia ah a um lo.Nain an tei hlei lo.Polls cheu zoh tikah Political correctness a duh lo mi US mipi an tam deuh cang. Dr. Lian H Sakhong nih ti le mei le lam kan tuah piak lai.Hlei kan dawnh piak hna lai tiah phung a chimmi cu politician an si lo.

Thutdan duhmi pawl an si tiah a chim kha mu.Hi bantukin campaign a tuah mi hna an policy that lo nak kong kan tial kan chim tikah mi nan soisel ti rumro in aa la mi Party hna kan um.Inn le lo kan zoh tuknak ah politics muru (essence) kan nganh tawn.NLD party nih democracy muru a si mi politics hmuhning kongah zalong tein chim phuanak kha a doh bantuk a si.

Atu lio Bung Zung ah inn hmun acre tampi a ngeimi hna khi hote dah an si?Media rian cu theihmi kha a phuan lai i cozah nih hlathlainak a tuah lai i phung ningin action a lak awk a si. Ramkhel rian ah siseh,Krihfa hruaitu si hna seh,mipi kan si ah a hmanmi thil kan hngalh ko mi ah biatak chim ngam loin cafang dawh dawh lawng kan chimmi cu a cung pavuan lawng a hlanh i thlennak a chuah pi lo.

Biatak le bia hman chimmi cu chikhat te cu mi lungthin a henh in a henh ko nain fim cawn a duh mi caah cun thlennak a chuah pi. Atu lio NLD party candidate pawl ahhin kan khuami le ka chungkhat le hawikom tampi an um.Nain miphun kong ahcun an mithmai ka zoh lo. Mi mithmai kan zoh ahcun kan hmurka le kan dirpi mi thong a kan thlak bantuk a si. Biatak nain bia tha lawng in cawmmi Krihfa buu cu a chunglei tak cu a dam lai ka zum lo.Ramkhel zongah cu thiam thiam.Baibal nih pei “Na kih ah kik lawlaw, na lum ah lum lawlaw” a ti KHA. Credit: Salai Tin Maung Win

hIKA HI VOIKHAT HMAT LAW VIDEO NA ZOH KHAWH LAI

Be the first to comment

Leave a Reply

Your email address will not be published.


*